ନୂଆଦିଲ୍ଲୀ,୧୪।୯: ଟି୨୦ ବିଶ୍ୱକପ୍ ପୂର୍ବରୁ ଅଷ୍ଟ୍ରେଲିଆ ବିପକ୍ଷରେ ଟି୨୦ ସିରିଜ ଖେଳିବ ଭାରତ। ସେପ୍ଟେମ୍ବର ୨୦ରୁ ଏହି ସିରିଜ ଆରମ୍ଭ ହେବ। ତେବେ ଏହା ପୂର୍ବରୁ ଅଷ୍ଟ୍ରେଲିଆ ପକ୍ଷରୁ ଦଳରେ ୩ ବଡ଼ ପରିବର୍ତ୍ତନ କରାଯାଇଛି। ଆହତ ସମସ୍ୟା ଯୋଗୁ ଅଷ୍ଟ୍ରେଲିଆର ମିଚେଲ ଷ୍ଟାର୍କ, ମିଚେଲ ମାର୍ଶ ଏବଂ ମାର୍କସ ଷ୍ଟୋଇନିସଙ୍କୁ ଭାରତ ଗସ୍ତରୁ ବାଦ୍ ଦିଆଯାଇଛି। ଆଗକୁ ବିଶ୍ୱକପ୍ ଥିବାରୁ ଦଳ କୌଣସି ରିସ୍କ ନେବାକୁ ଚାହୁଁନାହିଁ। ଏଭଳି ସ୍ଥିତିରେ ୩ ଖେଳାଳିଙ୍କୁ ବିଶ୍ରାମ ଦେବାକୁ ନିଷ୍ପତ୍ତି ନିଆଯାଇଛି। ସେମାନଙ୍କ ସ୍ଥାନରେ ନାଥନ୍ ଏଲିସ୍, ଡାନିଏଲ୍ ସାମସ୍ ଏବଂ ଶନ୍ ଆବଟ୍ଟଙ୍କୁ ଦଳରେ ସାମିଲ କରାଯାଇଛି। ତେବେ ଭାରତ ବିପକ୍ଷ ସିରିଜ ପରେ ଅଷ୍ଟ୍ରେଲିଆ ଘରୋଇ ମଇଦାନରେ ଇଂଲଣ୍ଡ ଏବଂ ଓ୍ବେଷ୍ଟଇଣ୍ଡିଜ ବିପକ୍ଷରେ ଟି୨୦ ସିରିଜ ଖେଳିବ। ଏହାପରେ ଟି୨୦ ବିଶ୍ୱକପ୍ ଆରମ୍ଭ ହେବ।
ମ୍ୟାଚ୍ର ସୂଚୀ:
-ସେପ୍ଟେମ୍ବର ୨୦-ପ୍ରଥମ ଟି୨୦-ମୋହାଲି
-ସେପ୍ଟେମ୍ବର ୨୩-ଦ୍ୱିତୀୟ ଟି୨୦-ନାଗପୁର
-ସେପ୍ଟେମ୍ବର ୨୫-ତୃତୀୟ ଟି୨୦-ହାଇଦ୍ରାବାଦ
