ବ୍ରିସବେନ୍,୧୯।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟେଷ୍ଟ ସିରିଜ ଆରମ୍ଭ ପୂର୍ବରୁ ଯେଉଁ ରିକି ପଣ୍ଟିଂ ଅଷ୍ଟ୍ରେଲିଆର ବିଜୟର ୪-୦ ଦାବି କରୁଥିଲେ। ସିଡନୀ ଟେଷ୍ଟରେ ଟିମ ଇଣ୍ଡିଆର ୨୦୦ରନ ପୂର୍ବରୁ ଅଲଆଉଟ୍ ବିଷୟରେ କହୁଥିବା ରିକି ପଣ୍ଟିଙ୍ଗ ଏବେ ଟେନସନରେ ଅଛନ୍ତି। ପଣ୍ଟିଂ ଅଷ୍ଟ୍ରେଲୀୟ ଦଳକୁ ଚେତାବନୀ ଦେଇଛି ଯେ, ଯଦି ଟିମ ଇଣ୍ଡିଆ ବ୍ରିସବେନ ଟେଷ୍ଟ ଡ୍ର କରିବ, ତେବେ ଏହା ଆୟୋଜକଙ୍କ ପାଇଁ ଲଜ୍ଜାଜନକ ଫଳାଫଳ ହେବ। ସେ କହିଛନ୍ତି, ଅନେକ ଖେଳାଳିଙ୍କ ଆଘାତ ସତ୍ତ୍ୱେ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତରେ ନିଜର ନିଷ୍ଠା ଏବଂ ଉତ୍ସାହ ଦେଖାଇଛି। ଚତୁର୍ଥ ତଥା ଅନ୍ତିମ ଟେଷ୍ଟ ମ୍ୟାଚରେ ଭାରତ ସେମାନଙ୍କର ଅଗ୍ରଣୀ ଦ୍ରୁତ ବୋଲର, ଅଧିନାୟକ ବିରାଟ କୋହଲି ଏବଂ କିଛି ବିଶେଷଜ୍ଞ ବ୍ୟାଟ୍ସମ୍ୟାନଙ୍କ ବିନା ଖେଳୁଛି। ଏଭଳି ପରିସ୍ଥିତିରେ ଯଦି ସିରିଜ୍ ଡ୍ର ରହେ ତେବେ ଆୟୋଜକଙ୍କ ପାଇଁ ଏହା ଲଜ୍ଜାଜନକ ପରାଜୟ ହେବ। ଏହି ସିରିଜ ବର୍ତ୍ତମାନ ସମାନ ଭାବରେ ୧-୧ ରେ ଅଛି।
