ସୋହେଲା ୩।୬( ଅଶ୍ୱିନୀ କୁମାର ପାତ୍ର): ବରଗଡ଼ ଜିଲା ସୋହେଲା ଥାନା ଲେଖାପଥର ଛକଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ପିଙ୍କି ମହାପାତ୍ର (୪୫) ଙ୍କ ମୃତ୍ୟ ହୋଇଯାଇଛି। ପିଙ୍କିଙ୍କ ପୁଅ ୧୫ ବର୍ଷୀୟ ନାବାଳକ ପୁଅ ଏହି ଦୁର୍ଘଟଣାରେ ବର୍ତ୍ତିିଯାଇଛନ୍ତି । ଆଜି ସକାଳୁ ପ୍ରାୟ ୬ଟା ସମୟରେ ପିଙ୍କି ନିଜ ପୁଅଙ୍କ ସହ ଏକ ସ୍କୁଟିରେ ନିଜ ଗାଁ ଡଙ୍ଗାଘାଟରୁ ବରଗଡ଼କୁ ଯାଉଥିଲେ।ଲେଖାପଥର ଛକ ଠାରେ ଏକ ବୋରିଂ ଗାଡି ତବଡା ପଟକୁ ଯାଉଥିଲା । ଏହି ସମୟରେ ପଦ୍ମପୁର ପଟରୁ ଆସୁଥିବା ପିଙ୍କି ବୋରିଂ ଗାଡିରେ ପିଟିହୋଇ ପଡିଯାଇଥିଲେ ।ଆହତ ଅବସ୍ଥାରେ ସ୍ଥାନୀୟ ଲୋକ ଏବଂ ପୋଲିସ ସାହାଯ୍ୟରେ ତାଙ୍କୁ ସୋହେଲା ଡାକ୍ତରଖାନାକୁ ଆଣିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।ତାଙ୍କ ପୁଅ ସାମାନ୍ୟ ଆହତ ହୋଇଥିବାବେଳେ ବିପଦ ମୁକ୍ତ ଅଛନ୍ତି । ସୋହେଲା ପୋଲିସ ଶବ ଜବତ କରି ଉଭୟ ଟ୍ରକ ଏବଂ ସ୍କୁଟିକୁ ଜବତ କରିଛି।
