ବଲିଉଡର ସୁନ୍ଦର ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ମା’ ହେବା ପରେ ଆଉ ବେଶୀ ଫିଲ୍ମ ଜଗତରେ ସକ୍ରିୟ ନାହାନ୍ତି। କିନ୍ତୁ ତାଙ୍କ ପ୍ରଶଂସକଙ୍କ ସଂଖ୍ୟା କମିନାହିଁ। ୨୦୦୬ରେ ମୁମ୍ବାଇର ଏକ ଡାକଘରକୁ ଐଶ୍ୱର୍ଯ୍ୟାଙ୍କ ପାଇଁ ନେଦରଲ୍ୟାଣ୍ଡରୁ ୧୬ କିଲୋଗ୍ରାମ ଏକ ପାର୍ଶଲ ଆସିଥିଲା। ଐଶ୍ୱର୍ଯ୍ୟା ରାୟଙ୍କ ଘରର ଠିକଣା ପାର୍ଶଲରେ ଲେଖାଯାଇଥିଲା। ଆୟକର ବିଭାଗର ଅଧିକାରୀମାନେ ସନ୍ଦେହ ଆଧାରରେ ପାର୍ଶଲ ଖୋଲିବାକୁ ଚାହୁଁଥିଲେ। ଏଥିପାଇଁ ଆୟକର ବିଭାଗ ଐଶ୍ୱର୍ଯ୍ୟାଙ୍କ ଠାରୁ ଲିଖିତ ଆକାରରେ ଅନୁମତି ଆଣିବା ପାଇଁ ଏକ ଚିଠି ପଠାଇଥିଲେ। ସେତେବେଳେ ଐଶ୍ୱର୍ଯ୍ୟା ରାୟ ଜୟପୁରରେ ତାଙ୍କ ଚଳଚ୍ଚିତ୍ର ‘ଯୋଦ୍ଧା ଆକବର’ର ଶୁଟିଂ କରୁଥିଲେ। ପରେ ଐଶ୍ୱର୍ଯ୍ୟାଙ୍କ ଅନୁପସ୍ଥିତିରେ ଆୟକର ବିଭାଗ ପାର୍ଶଲ ଖୋଲିବା କ୍ଷଣି ଆଶ୍ଚର୍ଯ୍ୟ ହୋଇଯାଇଥିଲେ। କାରଣ ପାର୍ଶଲରେ ଡିଭିଡି ପ୍ଲେୟାର ସମେତ ଅନେକ ଇଲେକ୍ଟ୍ରୋନିକ ଗ୍ୟାଜେଟ ରହିଥିଲା। ଏହା ବ୍ୟତୀତ ୁ ଏକ ସାର୍ଟ ଭିତରେ କିଛି ୟୁରୋ ମଧ୍ୟ ରଖାଯାଇଥିଲା। ଭାରତୀୟ ମୁଦ୍ରାରେ ଏହାର ମୂଲ୍ୟ ପ୍ରାୟ ୧୩ ଲକ୍ଷ ଟଙ୍କା ଥିଲା।
ପାର୍ଶଲ ଖୋଲିବା ପରେ ଆୟକର ବିଭାଗ ଐଶ୍ୱର୍ଯ୍ୟାଙ୍କୁ ନୋଟିସ ପଠାଇ ଏନେଇ ସ୍ପଷ୍ଟୀକରଣ ମାଗିଥିଲେ। ତା’ପରେ ଐଶ୍ୱର୍ଯ୍ୟାଙ୍କ ଓକିଲ କହିଥିଲେ ଯେ, ପାର୍ଶଲ କିଏ ପଠାଇଛନ୍ତି ଐଶ୍ୱର୍ଯ୍ୟା ଜାଣନ୍ତି ନାହିଁ। ତେବେ ଜୟପୁରରୁ ଆସିବା ପରେ ଐଶ୍ୱର୍ଯ୍ୟା ଆୟକର ବିଭାଗକୁ ଭେଟି କହିଥିଲେ ଯେ, ସେ ନିଶ୍ଚିତ ଭାବରେ ଏକ ପୁରସ୍କାର ଶୋ’ ପାଇଁ ନେଦରଲ୍ୟାଣ୍ଡ ଯାଇଛନ୍ତି କିନ୍ତୁ ପାର୍ଶଲ ପଠାଇଥିବା ବ୍ୟକ୍ତିଙ୍କୁ ଜାଣି ନାହାଁନ୍ତି।
