ନୂଆଦିଲ୍ଲୀ,୨୬ା୪: ସମଲିଙ୍ଗୀ ବିବାହକୁ ଆଇନଗତ ମାନ୍ୟତା ଦେବା ପ୍ରସଙ୍ଗରେ ସୁପ୍ରିମକୋର୍ଟରେ ଶୁଣାଣି ଚାଲିଛି। ଏହି ସମୟରେ ସମଲିଙ୍ଗୀ ମାତାପିତା ପ୍ରଧାନ ବିଚାରପତି (CJI) ଡିଓ୍ବାଇ ଚନ୍ଦ୍ରଚୂଡ଼ଙ୍କୁ ଏକ ଚିଠି ଲେଖିଛନ୍ତି। ପ୍ରକୃତରେ ୪୦୦ରୁ ଅଧିକ ସମଲିଙ୍ଗୀ ମାତାପିତା ଏକ ଗୋଷ୍ଠୀ ‘ଦ ରେନ୍ବୋ ପ୍ୟାରେଣ୍ଟ୍ସ’ ଗଠନ କରିଛନ୍ତି। ଏହି ଗୋଷ୍ଠୀ ଭାରତର ସମଲିଙ୍ଗୀ ବିବାହକୁ ଆଇନଗତ କରିବାକୁ ଅନୁରୋଧ କରି ଚନ୍ଦ୍ରଚୂଡ଼ଙ୍କୁ ଏକ ଖୋଲା ଚିଠି ଲେଖିଛନ୍ତି।
ସେ କହିଛନ୍ତି, ସ୍ବତନ୍ତ୍ର ବିବାହ ଅଧିନିୟମ ଅନୁଯାୟୀ, ସେ ତାଙ୍କ ସନ୍ତାନ ଏବଂ ସେମାନଙ୍କ ପାର୍ଟନରଙ୍କ ସମ୍ପର୍କକୁ ଆଇନଗତ ବୈଧତା ଦେଖିବାକୁ ଚାହୁଁଛନ୍ତି। ସେମାନେ ଏହି ଚିଠିରେ ଲେଖିଛନ୍ତି କି, ସେମାନେ ବୃଦ୍ଧାବୃଦ୍ଧ ହୋଇ ଯାଉଛନ୍ତି ଏବଂ ସେମାନଙ୍କ ମଧ୍ୟରୁ କେତେଜଣଙ୍କୁ ୮୦ ଛୁଇଁଲାଣି। ତେଣୁ ‘ରେନ୍ବୋ ପ୍ୟାରେଣ୍ଟ୍ସ’ ନିଜ ପିଲାମାନଙ୍କର ‘ରେନ୍ବୋ ମ୍ୟାରେଜ’କୁ ସେମାନଙ୍କ ଜୀବନକାଳରେ ଆଇନଗତ ହେବାକୁ ଦେଖିବେ ବୋଲି ଆଶା କରୁଛନ୍ତି।
ଭାରତରେ ସମଲିଙ୍ଗୀ ଅଭିଭାବକ ପରସ୍ପରକୁ ସମର୍ଥନ କରିବା ଏବଂ ନିଜ ପିଲାମାନଙ୍କୁ ଯେପରି ଗ୍ରହଣ କରନ୍ତି ଏବଂ ଏକ ପରିବାର ଭାବରେ ଖୁସି ହେବା ପାଇଁ ଏହି ଗୋଷ୍ଠୀ ଗଠନ କରିଛନ୍ତି। ଏହି ଗୋଷ୍ଠୀ କହିଛନ୍ତି, ସୁପ୍ରିମକୋର୍ଟଙ୍କ ସହମତି ଭିତ୍ତିକ ଯୌନ ସମ୍ପର୍କକୁ ଅପରାଧୀକରଣ କରିବା ନିଷ୍ପତ୍ତି ସମାଜ ଉପରେ ଏକ ବଡ଼ ପ୍ରଭାବ ସୃଷ୍ଟି କରିଛି। ସେମାନେ ଅନୁଭବ କରୁଛନ୍ତି ଯେ, ସେମାନଙ୍କ ପିଲାମାନଙ୍କର ଜୀବନ, ଭାବନା ଏବଂ ଇଚ୍ଛା ବୈଧ ବୋଲି ବିବେଚନା କରାଯାଉ।
