କୁଜଙ୍ଗ,୧୪।୯(ମନୋଜ ପ୍ରଧାନ):ଜଗତ୍ସିଂହପୁର ଜିଲା କୁଜଙ୍ଗ ପଞ୍ଚାୟତ ସମ୍ମିଳନୀ କକ୍ଷରେ ଶୁକ୍ରବାର ଗଣ୍ଡଗୋଳ ହୋଇଛି। ବିଜେଡି ସମର୍ଥତ୍ତ ଜନପ୍ରତିନିଧି ବିଡିଓଙ୍କୁ ଡାକି ଧମକ ଦେଇଥିବା ଅଭିଯୋଗ ହୋଇଛି। ଏହାକୁ ନେଇ ବିଜେଡି ଓ ଭାଜପା ସମର୍ଥିତ ଜନପ୍ରତିନିଧି ମୁହଁାମୁହିଁ ହୋଇଛନ୍ତି।
ଏହି ଘଟଣାକୁ ନେଇ ବିଡିଓ ଦୀପକ ପ୍ରସାଦ ସ୍ବାଇଁ କୁଜଙ୍ଗ ଥାନାରେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଅନୁଯାୟୀ, ଶୁକ୍ରବାର ପାରାଦୀପଗଡ ପଞ୍ଚାୟତରେ ଜନଶୁଣାଣି ଶିବିର ଅନୁଷ୍ଠିତ ହୋଇଥିଲା। ଏଥିରେ ସେ ଯୋଗଦେଇଥିଲେ। ପୂର୍ବାହ୍ନ ୧୧ଟା ୨୦ମିନିଟ୍ରେ ପଞ୍ଚାୟତ ସମିତି ଅଧ୍ୟକ୍ଷା ନିନାରାଣୀ ସାହୁ ତାଙ୍କୁ କଲ୍ କରି କହିଥିଲେ ଯେ, କେତେଜଣ ନିର୍ବାଚିତ ପ୍ରତିନିଧିଙ୍କୁ ବ୍ଲକ କାର୍ଯ୍ୟାଳୟକୁ ଆସିଛନ୍ତି। ସେମାନେ ବିଡିଓଙ୍କ ସହ ଆଲୋଚନା କରିବାକୁ ଚାହୁଁଛନ୍ତି। ଜନଶୁଣାଣି ସରିବା ପରେ ବିଡିଓ ସ୍ବାଇଁ କାର୍ଯ୍ୟାଳୟକୁ ଆସିବେ ବୋଲି କହିଥିଲେ। ଅପରାହ୍ନ ୧ଟା ୩୦ ମିନିଟ୍ରେ ଉପାଧ୍ୟକ୍ଷ ଜ୍ଞାନଜିତ ସ୍ବାଇଁ ବିଡିଓଙ୍କୁ ଫୋନ କରି ଶୀଘ୍ର ନ ପହଞ୍ଚତ୍ଲେ ଉଠାଇ ଆଣିବାକୁ ଧମକ ଦେଇଥିଲେ। ମାତ୍ର ବିଡିଓ ଜନଶୁଣାଣି ସାରି ତାଙ୍କ କାର୍ଯ୍ୟାଳୟକୁ ଫେରି ଆସିଥିଲେ। ଏହାପରେ ସେଠାରେ କେତେଜଣ ବିଜେଡି ସମର୍ଥକ ଓ ଜନ ପ୍ରତିନିଧିଙ୍କ ସ୍ବାମୀ ପହଞ୍ଚତ୍ ବିଡିଓ ସ୍ବାଇଁଙ୍କୁ କାର୍ଯ୍ୟାଳୟରୁ ସମ୍ମିଳନୀ କକ୍ଷକୁ ଉଠାଇନେଇ କବାଟ ବନ୍ଦ କରି ଦେଇଥିଲେ। ଏଥିସହ ମିଥ୍ୟା ବିଲ୍ରେ ଦସ୍ତଖତ କରିବାକୁ ବାଧ୍ୟ କରିଥିଲେ। ହତ୍ୟା ଧମକ ଦେଇ ଖାଲି କାଗଜରେ ଦସ୍ତଖତ କରାଇ ନେଇଥିଲେ। ଏହାକୁ ସେଠାରେ ଉପସ୍ଥିତ ଥିବା କେତଜଣ ଭାଜପା ସମର୍ଥତ୍ତ ଜନପ୍ରତିନିଧି ବିରୋଧ କରିବାରୁ ଉଭୟ ଦଳର ସମର୍ଥକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଏନେଇ ଉତ୍ତେଜନା ହେବାରୁ ପୋଲିସ ପହଞ୍ଚତ୍ ପରିସ୍ଥିତିକୁ ନିୟନ୍ତ୍ରଣ କରିଥିଲା। ଏ ସମ୍ପର୍କରେ ଉପାଧ୍ୟକ୍ଷ ଜ୍ଞାନଜିତ୍ କହିଛନ୍ତି, ସେ ବିଡିଓଙ୍କୁ ଏଭଳି କିଛି ବ୍ୟବହାର କରିନାହାନ୍ତି। ବିଡିଓ ଏପ୍ରସଙ୍ଗରେ ମିଥ୍ୟା ଆରୋପ ଲଗାଇଛନ୍ତି। ଏସମ୍ପର୍କରେ ଅଧ୍ୟକ୍ଷା ସାହୁଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ସେ ମୋବାଇଲ୍ ଫୋନ ଉଠାଇ ନ ଥିଲେ।
