କର୍ଲାମୁଣ୍ଡା:୧୮/୮(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରେଗଡା ଗ୍ରାମ ପଞ୍ଚାୟତ ଯୋଗିପଲା ଗ୍ରାମ ଶିଶୋପଡାଠାରେ ଏକ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି। ୮୦ ବର୍ଷିୟା ବୃଦ୍ଧାଙ୍କ କାନ୍ଧରେ ଦୁଇ ନାତି ନାତୁଣୀଙ୍କ ବୋଝ ଲଦି ହୋଇଛି।
ସୂଚନାଯୋଗ୍ୟ, ନେତ୍ରୀ ଚୌଧୁରୀ( ୮୦) ବିଧବା ବୃଦ୍ଧା ମହିଳା ଜଣଙ୍କ ରୋଜଗାରିଆ ପୁଅ ସ୍ବର୍ଗତ ଦେବରାଜ ଚୌଧୁରୀ( ୪୦)କୌଣସି କାରଣରୁ ୨୦୧୬ରେ ଆତ୍ମହତ୍ୟା କରିଥିଲେ। ଦେବରାଜଙ୍କ ସ୍ତ୍ରୀ ଦୀପାଞ୍ଜଳୀ ଚୌଧୁରୀ( ୪୫) ମାନସିକ ରୋଗୀ ଓ ତାଙ୍କ ପୁଅ ଭବାନୀ ଚୌଧୁରୀ(୧୩) ଝିଅ ରେଣୁକା ଚୌଧୁରୀ(୧୧)ଙ୍କୁ ପାଠ ପଢାଇ ଭଲ ମଣିଷ କରିବା ଚିନ୍ତାରେ ନେତ୍ରୀ ରହିଥିବାବେଳେ ଚଳିତ ମାସ ୧୫ ତାରିଖରେ ବୋହୁ ଦୀପଞ୍ଜଳୀଙ୍କ ମୃତ୍ୟୁ ଘଟିବା ପରେ ଦୁଇ ନାତିନାତୁଣୀଙ୍କ ବୋଝ ବୃଦ୍ଧାଙ୍କ କାନ୍ଧରେ ଲଦି ହୋଇଥିବା ଜଣାପଡିଛି।
ଅନ୍ୟପଟେ ବର୍ତ୍ତମାନ ବୃଦ୍ଧାଙ୍କ ପାଖରେ ଆର୍ଥିକ ସ୍ଥିତି ଭଲ ନ ଥିବାରୁ ବୋହୂର ଶୁଦ୍ଧିକ୍ରିୟା କିପରି କରିବେ, ସେ ନେଇ ସେ ଚିନ୍ତାରେ ଥିବା ଗ୍ରାମର ବାବୁଲାଲ ଚୌଧୁରୀ କରିଛନ୍ତି। ଏନେଇ ରେଗଡା ସରପଞ୍ଚ ଦିପ୍ତୀମୟୀ ସାହୁଙ୍କୁ ପଚାରାଯିବାରୁ ହରିଶ୍ଚନ୍ଦ୍ର ଯୋଜନାରେ ତିନି ହଜାର ଟଙ୍କା ପ୍ରଦାନ କରିଯିବା ସହ ସରକାରଙ୍କ ଯାହା ବ୍ୟବସ୍ଥା ଥିବ, ସେ ଅନୁସାରେ ସହଯୋଗ କରାଯିବ ବୋଲି କହିଥିଲେ। ଜିଲା ଶିଶୁ ସୁରକ୍ଷା ୟୁନିଟ ତଥା ଜିଲା ପ୍ରଶାସନ ପକ୍ଷରୁ ଦୁଇ ଛାତ୍ରୀଛାତ୍ରଙ୍କୁ ଆର୍ଥିକ ସହାୟତା ଯୋଗାଇ ଦେବାକୁ ଦାବି ହେଉଛି।
