ଭୁବନେଶ୍ୱର, ୧୯।୭(ସୁନିତ୍ ମିଶ୍ର):ନିକଟରେ ରାଜ୍ୟ ସରକାର ପିଏମ୍ କିଷାନ ନିଧି ଯୋଜନାରେ ଅଧିକ ୬ଲକ୍ଷ ଚାଷୀଙ୍କୁ ସାମିଲ କରିବା ପାଇଁ ବ୍ୟବସ୍ଥା କରିଛନ୍ତି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଜୁନ୍ ୧୮ରେ ବରଗଡ଼ରେ ପିଏମ୍ କିଷାନର ୧୭ତମ କିସ୍ତି ବଣ୍ଟନ ଉତ୍ସବରେ ଯୋଗଦେଇ ସମସ୍ତ ଯୋଗ୍ୟ ଚାଷୀଙ୍କୁ ଏହି ଯୋଜନାରେ ଅନ୍ତର୍ଭୁକ୍ତ କରାଯିବ ବୋଲି କହିଥିଲେ। ଯଦି ଏହି ୩୭ ଲକ୍ଷ ୬୨ ହଜାର ଚାଷୀ ପିଏମ୍ କିଷାନ ନିଧି ତାଲିକାରେ ଅନ୍ତର୍ଭୁକ୍ତ ହେଉଛନ୍ତି, ତେବେ ରାଜ୍ୟରେ ବଳକା ୩୭ ଲକ୍ଷ ୩୮ ହଜାର ଚାଷୀଙ୍କୁ କାହିଁକି ଏହି ଯୋଜନାରେ ଅନ୍ତର୍ଭୁକ୍ତ କରାଯାଉନାହିଁ ବୋଲି ଓଡ଼ିଶା ପ୍ରଦେଶ କିଷାନ କଂଗ୍ରେସ ଅଧ୍ୟକ୍ଷ ଅମିୟ କୁମାର ପଟ୍ଟନାୟକ ପ୍ରଶ୍ନ କରିଛନ୍ତି। କେନ୍ଦ୍ର ଚାଷୀଙ୍କୁ ୩ଟି କିସ୍ତିରେ ବାର୍ଷିକ ୬ ହଜାର ଟଙ୍କା ସହାୟତା ଦେଉଛନ୍ତି। କିନ୍ତୁ ବର୍ତ୍ତମାନ ଯେପରି କୃଷି ଉପତ୍ାଦ ପାଇଁ ଆବଶ୍ୟକ ଦରଦାମ ବୃଦ୍ଧି ଏଥିରେ ଚାଷୀର ଆୟ ଦ୍ୱିଗୁଣିତ ହୋଇପାରୁନାହିଁ। ତେଣୁ କେନ୍ଦ୍ର ଓଡ଼ିଶାର ସମସ୍ତ ୭୫ ଲକ୍ଷ ଚାଷୀଙ୍କୁ ପିଏମ୍ କିଷାନ ତାଲିକାରେ ଅନ୍ତର୍ଭୁକ୍ତ କରିବା ସହ ବର୍ଷକୁ ୩ଟି କିସ୍ତିରେ ଅନ୍ତତଃ ୫ ହଜାର ଟଙ୍କା ଲେଖାଏ ମୋଟ ୧୫ ହଜାର ଟଙ୍କା ଦେବାକୁ ସରକାରଙ୍କୁ କଂଗ୍ରେସ ପକ୍ଷରୁ ଦାବି କରାଯାଉଥିବା ଅମିୟ କହିଛନ୍ତି।
