କୁହାଯାଏ ଭଗବାନ ଯେତେବେଳେ ଦିଅନ୍ତି, ଛପର ଫାଡିକି ଦିଅନ୍ତି। କେତେକ ଲୋକଙ୍କ ଠାରେ ଏହା ସତ୍ୟ ପ୍ରମାଣିତ ହୋଇଥାଏ। ସେମାନଙ୍କ ମଧ୍ୟରୁ ଚାଇନାର ଜଣେ ମହିଳା ଅନ୍ୟତମ। ଯାହାଙ୍କ ଭାଗ୍ୟ ରାତାରାତି ବଦଳି ଯାଇଛି। ଫଳରେ ସେ କୋଟି କୋଟି ଟଙ୍କାର ମାଲିକାଣି ହୋଇଥିଲେ। ଚଳିତ ବର୍ଷ ମେ’ ମାସରେ, ୟୁଆନ ଲିପିଙ୍ଗ ନାମକ ଏହି ମହିଳା ଧନୀ ହୋଇଥିଲେ ହୋଇଯାଇଥିଲେ, ଯାହାଙ୍କ ନାମ ମଧ୍ୟ ଦୁନିଆର ସବୁଠାରୁ ଧନୀ ମହିଳା ତାଲିକାରେ ସ୍ଥାନ ପାଇଥିଲା। ଏପରି ପରିସ୍ଥିତିରେ, ଆପଣଙ୍କ ମନରେ ଏହି ପ୍ରଶ୍ନ ନିଶ୍ଚୟ ଉଠଥିବ ଯେ ୟୁଆନଙ୍କ ସହ ଏମିତି କ’ଣ ହେଲା ଯେ, ସେ ରାତାରାତି ଧନୀ ହୋଇଗଲେ।
ବାସ୍ତବରେ, ଏକ ଚାଇନାର ଟୀକା ତିଆରିକାରୀ କମ୍ପାନୀ, ଶେନଜେନ କାଙ୍ଗଟାଇ ବାୟୋଲୋଜିକାଲ ପ୍ରଡକ୍ଟସ କମ୍ପାନୀର ଅଧ୍ୟକ୍ଷ ଡୁ ୱିମିନ (୫୬) ଏବଂ ତାଙ୍କର ପୂର୍ବତନ ପତ୍ନୀ ହେଉଛନ୍ତି ୟୁଆନ ଲିପିଙ୍ଗ (୪୯)। ମେ ମାସରେ ଉଭୟଙ୍କ ପାରସ୍ପରିକ ସମ୍ମତିରେ ଛାଡପତ୍ର ହୋଇଥିଲା । ଏହା ଦୁନିଆର ସବୁଠାରୁ ମହଙ୍ଗା ଛାଡପତ୍ର ମଧ୍ୟରୁ ଅନ୍ୟତମ।
ଛାଡପତ୍ର ପୂର୍ବରୁ ଡୁ ୱିମିନଙ୍କ ସମ୍ପତ୍ତି ୬.୩ ବିଲିୟନ ଡଲାର୍ ବା ପ୍ରାୟ ୪୭,୨୫୦ କୋଟି ଟଙ୍କା ଥିଲା, କିନ୍ତୁ ଛାଡପତ୍ର ପରେ କ୍ଷତିପୂରଣ ହିସାବରେ କମ୍ପାନୀର ୧୬୧.୩ କୋଟି ଅଂଶ ତାଙ୍କ ପତ୍ନୀ ୟୁଆନ ଲିପିଙ୍ଗଙ୍କୁ ଦେବାକୁ ପଡୁଥିଲା। ଗଲ୍ଫ ନ୍ୟୁଜ ରିପୋର୍ଟ ଅନୁଯାୟୀ, ସେହି ଶେୟାରଗୁଡିକର ମୂଲ୍ୟ ୩.୨ ବିଲିୟନ ଡଲାର୍ ଥିଲା ଯାହା ସେହି ସମୟରେ ପ୍ରାୟ ୨୪,୦୦୦ କୋଟି ଟଙ୍କା।
ଛାଡପତ୍ର ପରେ ଡୁ ୱିମିନଙ୍କ ମୋଟ ସମ୍ପତ୍ତି ପ୍ରାୟ ୩.୧ ବିଲିୟ ନଡଲାର୍ କିମ୍ବା ୨୩,୨୫୦ କୋଟି ଟଙ୍କାକୁ ହ୍ରାସ ପାଇଛି। ଏଥିରେ ବନ୍ଧକ ଶେୟାରର ମୂଲ୍ୟ ଅନ୍ତର୍ଭୂକ୍ତ କରାଯାଇ ନାହିଁ ।
ଡୁ ୱିମିନଙ୍କ ୧୯୬୩ ମସିହାରେ ଏକ କୃଷକ ପରିବାରରେ ଜନ୍ମଗ୍ରହଣ କରିଥିଲେ। ତାଙ୍କର ପିଲାଦିନ ଅତି ସାଧାରଣ ଥିଲା। ସେ ୧୯୮୪ ରେ ଏକ ସ୍ଥାନୀୟ ସ୍ବାସ୍ଥ୍ୟ ବିଦ୍ୟାଳୟରେ ଅଧ୍ୟୟନ ଆରମ୍ଭ କରିଥିଲେ ଏବଂ ୧୯୮୭ ରେ ଜିଆଙ୍ଗସି ପ୍ରାଦେଶିକ ସ୍ବାସ୍ଥ୍ୟ ଏବଂ ମହାମାରୀ ନିରାକରଣ ଷ୍ଟେଶନରେ ଇନ୍ସପେକ୍ଟର ଭାବରେ ତାଙ୍କର ପ୍ରଥମ ଚାକିରି ପାଇଲେ। ୧୯୯୦ ଦଶକରେ ସେ ଏକ ଟିକା କମ୍ପାନୀରେ ବିକ୍ରେତା ହେବା ପାଇଁ ଇନ୍ସପେକ୍ଟର ଚାକିରି ଛାଡି ତାଙ୍କ ଭାଗ୍ୟ ବଦଳିଗଲା ତାଙ୍କର କଠିନ ପରିଶ୍ରମ ଏବଂ ନିଷ୍ଠା ତାଙ୍କୁ ୧୯୯୫ ରେ କମ୍ପାନୀର ବିକ୍ରୟ ପରିଚାଳକ କରିଥିଲ। ଏହା ପରେ ସେ ୨୦୦୯ ରେ କମ୍ପାନୀ ହାସଲ କରିଥିଲେ ଏବଂ ଏହାର ଚେୟାରମ୍ୟାନ ହୋଇଥିଲେ।
