ଭୁବନେଶ୍ୱର,୨୧ା୮(ବ୍ୟୁରୋ) : ଶୁକ୍ରବାର ୩୦ ଜିଲାରୁ ୨୬୯୮ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୭୨,୭୧୮ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ଏମାନଙ୍କ ମଧ୍ୟରୁ କ୍ୱାରାଣ୍ଟାଇନ୍ରୁ ୧୬୭୫ ଜଣ ଚିହ୍ନଟ ହୋଇଥିବା ବେଳେ ୧୦୨୩ ଜଣ ସ୍ଥାନୀୟ ସଂକ୍ରମିତ ଅଟନ୍ତି।
ଆଜି ଖୋର୍ଦ୍ଧାରୁ ସର୍ବାଧିକ ୪୭୫ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୨୦୭ ଏବଂ ଗଞ୍ଜାମରୁ ୧୬୨ ଜଣ ଚିହ୍ନଟ ହୋଇଛନ୍ତି। ସେହିପରି ଅନୁଗୋଳରୁ ୨୯, ବାଲେଶ୍ୱର ୧୦୨, ବରଗଡ଼ ୫୬, ଭଦ୍ରକ ୮୯, ବଲାଙ୍ଗୀର ୭୧,ବୌଦ୍ଧ ୧୧, ଦେବଗଡ଼ ୨, ଢେଙ୍କାନାଳ ୨୭, ଗଜପତି ୫୮, ଜଗତସିଂହପୁର ୨୧, ଯାଜପୁର ୮୦, ଝାରସୁଗୁଡ଼ା ୭୨, କଳାହାଣ୍ଡି ୪୯, କନ୍ଧମାଳ ୮୧, କେନ୍ଦ୍ରାପଡ଼ା ୮୯, କେନ୍ଦୁଝର ୨୧, କୋରାପୁଟ ୧୪୬, ମାଲକାନଗିରି ୮୧, ମୟୂରଭଞ୍ଜ ୧୨୮, ନବରଙ୍ଗପୁର ୯୧, ନୟାଗଡ଼ ୯୪, ନୂଆପଡ଼ା ୩, ପୁରୀ ୮୭, ରାୟଗଡ଼ା ୧୫୪, ସମ୍ବଲପୁର ୭୮, ସୋନପୁର ୩୧ ଏବଂ ସୁନ୍ଦରଗଡ଼ରୁ ୧୦୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୭୨,୭୧୮ରେ ପହଞ୍ଚିଥିବା ବେଳେ ୪୮,୫୭୬ ଜଣ ସୁସ୍ଥ ହୋଇଛନ୍ତି। ୨୩,୬୯୯ ଜଣ ଚିକିତ୍ସିତ ହେଉଛନ୍ତି। ୩୯୦ ଜଣଙ୍କ ମୃତ୍ୟୁ ଘଟିଛି।
