ଚିୟାପା,୯।୧୦ : ଦକ୍ଷିଣ ମେକ୍ସିକୋର ଚିଆପାସ୍ଥିତ ଏକ ଗ୍ରାମୀଣ ମାଧ୍ୟମିକ ବିଦ୍ୟାଳୟରେ ପ୍ରାୟ ୬୦ ପିଲା ଅଜଣା ବିଷାକ୍ତ ଖାଦ୍ୟ ଖାଇବା ପରେ ଅସୁସ୍ଥ ହୋଇପଡିଛନ୍ତି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଗତ ଦୁଇ ସପ୍ତାହ ମଧ୍ୟରେ ଚିଆପା ବିଦ୍ୟାଳୟରେ ଛାତ୍ରମାନେ ବିଷାକ୍ତ ଖାଦ୍ୟ ଖାଇବା ପରେ ଅସୁସ୍ଥ ହେବାର ଏହା ହେଉଛି ତୃତୀୟ ଘଟଣା। ଏହି କାରଣରୁ ପିଲାମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହେବା ସହିତ ବାରମ୍ବାର ଏଭଳି ଘଟଣା ନେଇ ଅଭିଭାବକମାନଙ୍କ ମଧ୍ୟରେ ଉତ୍ତେଜନା ବୃଦ୍ଧି ପାଇଛି।
ମେକ୍ସିକୋର ଇନଷ୍ଟିଚ୍ୟୁଟ ଅଫ ସୋସିଆଲ ସିକ୍ୟୁରିଟି ଅନୁଯାୟୀ, ବୋକିଲର ଗ୍ରାମାଞ୍ଚଳର ଏକ କମ୍ୟୁନିଟି ସ୍କୁଲର ଅସୁସ୍ଥ ପିଳାମାନଙ୍କୁ ସ୍ଥାନୀୟ ହସ୍ପିଟାଲକୁ ନିଆଯାଇଥିଲା। ସମସ୍ତଙ୍କରଠାରେ ବିଷାକ୍ତ ଖାଦ୍ୟ ଖାଇଥିବାର ଲକ୍ଷଣ ଥିଲା। ଅନେକ ପିଲାଙ୍କ ଗୁରୁତର ଅବସ୍ଥା ଦେଖି ସେମାନଙ୍କୁ ଚିକିତ୍ସା ପାଇଁ ରାଜଧାନୀ ଡାକ୍ତରଖାନାକୁ ପଠାଯାଇଛି।
ବର୍ତ୍ତମାନ ଏହା ପଛରେ ଥିବା କାରଣ ବିଷୟରେ ସ୍ଥାନୀୟ ପ୍ରଶାସନ ଯାଞ୍ଚ୍ କରୁଛନ୍ତି। ସ୍ଥାନୀୟ ଗଣମାଧ୍ୟମ ଅନୁଯାୟୀ, କିଛି ଅଭିଭାବକଏହା ଏହା ପଛରେ ବିଷାକ୍ତ ଖାଦ୍ୟ କିମ୍ବା ପିଇବା ପାଣିକୁ ଦାୟୀ କରୁଛନ୍ତି। ଏହି ଘଟଣାକୁ ନେଇ ବୋକିଲର ସ୍ଥାନୀୟ ନେତାମାନେ ଚିନ୍ତା ପ୍ରକଟ କରିଛନ୍ତି। ଏହା ସହିତ ସେମାନେ ବିଦ୍ୟାଳୟରେ କ୍ରମାଗତ ଭାବରେ ଘଟୁଥିବା ଘଟଣାର ତଦନ୍ତ ପାଇଁ ସରକାରଙ୍କୁ ଦାବି କରିଛନ୍ତି। ସୋସିଆଲ ମିଡିଆରେ ପିଲା ଅସୁସ୍ଥ ଥିବାର ଭିଡିଓଗୁଡ଼ିକ ଅଧିକରୁ ଅଧିକ ଶେୟାର ହେବାରେ ଲାଗିଛି। ଭିଡ଼ିଓରେ ଅଭିଭାବକମାନେ ହସ୍ପିଟାଲରେ ପିଲାମାନଙ୍କୁ ସ୍କୁଲ ୟୁନିଫର୍ମ ପିନ୍ଧିଥିବା ଅବସ୍ଥାରେ କୋଳରେ ଧରି ବସିଥିବାର ଦେଖ୍ତ୍ବାକୁ ମିଳୁଛି।
ଏନେଇ ସରକାରଙ୍କ ପକ୍ଷରୁ ଏକ ବିବୃତ୍ତି ଜାରି କରାଯାଇଛି। ଏଥିରେ ଉଲ୍ଲେଖ କରାଯାଇଛି ଯେ, ବିଦ୍ୟାଳୟରେ ଉପଲବ୍ଧ ପିଇବାପାଣିଏବଂ ଖାଦ୍ୟ ସାମଗ୍ରୀର ୧୫ ରୁ ଅଧିକ ପରୀକ୍ଷା କରାଯାଇଛି ଏବଂ ସମସ୍ତ ରିପୋର୍ଟ ନେଗେଟିଭ୍ ଆସିଛି। ପିଲାମାନଙ୍କଠାରେ କୌଣସି ପ୍ରକାରର ଔଷଧର ସନ୍ଧାନ ମିଳିନାହିଁ। ଏହାପୂର୍ବରୁ ସ୍ଥାନୀୟ ତଥା ସୋସିଆଲ ମିଡିଆରେ ଖବର ପ୍ରକାଶ ପାଇଥିଲା ଯେ ସ୍କୁଲ ପିଲାମାନଙ୍କ ଅନୁସନ୍ଧାନ ବେଳେ ସେମାନଙ୍କ ପେଟରେ କୋକେନର ଅଂଶ ଚିହ୍ନଟ ହୋଇଥିଲା।
ପିଲାମାନଙ୍କ ପରୀକ୍ଷା ଜାରି ରହିବ ବୋଲି ପବ୍ଲିକ ପ୍ରବର୍ତ୍ତନ ନିର୍ଦ୍ଦେଶାଳୟ କହିଛି। ପ୍ରକାଶ ଥାଉକି, ସେପ୍ଟେମ୍ବର ୨୩ ତାରିଖରେ ଘଟିଥିବା ସମାନ ରହସ୍ୟମୟ ଘଟଣା ସମ୍ପର୍କିତ ପ୍ରଶ୍ନର ଉତ୍ତର ଦେବାକୁ ପ୍ରଶାସନ ମନା କରିଦେଇଥିଲେ। ସ୍ଥାନୀୟ ଗଣମାଧ୍ୟମ ଅନୁଯାୟୀ, ତାପଚୁଲା ସହରରେ ଦୁଇଟି ବିଷାକ୍ତ ଘଟଣା ଘଟିଛି ଯେଉଁଥିରେ ଦଶହଜାର ପିଲା ଅସୁସ୍ଥ ହୋଇପଡିଥିଲେ।
