ସମ୍ବଲପୁର,୧୯ା୨(ପ୍ରମୋଦ ବହିଦାର): ସମ୍ବଲପୁର ଟାଉନ ଥାନା ଅନ୍ତର୍ଗତ ସାହୁ କଲୋନୀ ଝୁପୁଡ଼ିପଡ଼ାରୁ ଅବକାରୀ ବିଭାଗ ମୋବାଇଲ୍ ୟୁନିଟ୍ ୬୦ ବୋତଲ ନିଶା କଫ ସିରପ୍ ଜବତ କରିଛି। ଏହାସହ ବେଆଇନ ଭାବେ କଫ୍ସିରପ ବିକ୍ରୟ କରୁଥିବା ଅଭିଯୁକ୍ତ ସେହିପଡ଼ାର କରନ୍ ବାଗ(୨୧)ଙ୍କୁ ଅବକାରୀ ବିଭାଗ ଗିରଫ କରିଛି। ସାହୁ କଲେନୀରେ କଫ୍ସିରପ ବିକ୍ରି ଚାଲିଥିବା ସମ୍ପର୍କରେ ଖବର ମିଳବା ପରେ ମୋବାଇଲ୍ ୟୁନିଟ୍ କର୍ମଚାରୀମାନେ ସେଠାରେ ଚଢ଼ାଉ କରିଥିଲେ। ଚଢ଼ାଉବେଳେ ଅଭିଯୁକ୍ତ ତାଙ୍କ ଘରେ ବିକ୍ରି ପାଇଁ ଥିବା ୬୦ଟି ନିଷିଦ୍ଧ କୋଡିନ୍ ଫସଫେଟ୍ ମିଶ୍ରିତ ପ୍ରାୟ ୬୦ଟି ଶହେ ମିଲିଲିଟର ବିଶିଷ୍ଟ ସିଲ୍ କଫ୍ସିରପ ବୋତଲ ଜବତ କରିଥିଲେ। ଅଭିଯୁକ୍ତଙ୍କୁ ଜିଲା ସେସନ୍ସ ତଥା ସ୍ବତନ୍ତ୍ର ଜଜଙ୍କ କୋର୍ଟକୁ ଚାଲାଣ କରାଯାଇଥିଲା।
