ଭଦ୍ରକ,୨୯ା୧୨(ସନାତନ ରାଉତ): ଭଦ୍ରକ ଟାଉନ ଥାନା ଚରମ୍ପା ବରଳାପୋଖରୀରେ ଜମିବାଡ଼ି ବିବାଦକୁ ନେଇ ୨ ପରିବାର ମଧ୍ୟରେ ହଣକଟା ହୋଇଛି। ଫଳରେ ଉଭୟ ପରିବାରର ୬ ଜଣ ଗୁରୁତର ହୋଇଛନ୍ତି। ସମସ୍ତ ଗୁରୁତର ଭଦ୍ରକ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।
ସୂଚନାନୁଯାୟୀ, ଜମିବାଡ଼ି ଭାଗବଣ୍ଟାକୁ ନେଇ ଉକ୍ତ ଗ୍ରାମର ଦଳେଇ ଓ ସେନାପତି ପରିବାର ମଧ୍ୟରେ ପୂର୍ବରୁ ବିବାଦ ଲାଗିଥିଲା। ପୂର୍ବରୁ ହୋଇଥିବା ଗଣ୍ଡଗୋଳ ମାମଲାରେ ସେନାପତି ପରିବାର ଗୁରୁବାର ଜାମିନରେ ଆସିଥିଲେ। ତେବେ ଏହି ରାତିରେ ପୁନର୍ବାର ଉଭୟ ପରିବାର ମଧ୍ୟରେ ପୂର୍ବ ଶତ୍ରୁତାକୁ ନେଇ ଗଣ୍ଡଗୋଳ ଆରମ୍ଭ ହୋଇଥିଲା l ଉଭୟ ପକ୍ଷରୁ ଆକ୍ରମଣରେ ନରହରି ଦଳେଇ, ଭଗତ ଦଳେଇ, ରବୀନ୍ଦ୍ର ଦଳେଇ, ମାନସୀ ଦଳେଇ, ଶ୍ରଦ୍ଧାଞ୍ଜଳି ସେନାପତି, ପଦ୍ମାବତୀ ସେନାପତିଙ୍କ ସମେତ ଉଭୟ ପରିବାର ୬ଜଣ ଗୁରୁତର ହୋଇଛନ୍ତ। ଦୀର୍ଘ ୪ର୍ଷ ଧରି ଜମିବାଡ଼ି ବିବାଦ ଲାଗି ରହିଛି। ଟାଉନ ପୋଲିସ ଘଟଣାର ତଦନ୍ତ ଜାରି ରଖିଛି।
