ନୂଆଦିଲ୍ଲୀ, ୩୧ା୫: ହୃଦ୍ରୋଗୀ ଏବଂ ହୃଦ୍ଘାତର ସମ୍ମୁଖୀନ ହେଉଥିବା ମାତ୍ର ୧୦ ପ୍ରତିଶତ ରୋଗୀ ଘଣ୍ଟାଏ ମଧ୍ୟରେ ହସ୍ପିଟାଲରେ ପହଞ୍ଚୁଛନ୍ତି, ଯାହା ମୃତ୍ୟୁରୁ ବଞ୍ଚାଇବା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସମୟ। ହୃଦ୍ଘାତ ଉପରେ ଅଲ୍ ଇଣ୍ଡିଆ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏମ୍ସ) ପକ୍ଷରୁ କରାଯାଇଥିବା ଏକ ଅଧ୍ୟୟନରୁ ଏହା ଜଣାପଡ଼ିଛି। ହୃଦ୍ରୋଗୀ ଯେତେ ଶୀଘ୍ର ହସ୍ପିଟାଲରେ ପହଞ୍ଚତ୍ବେ, ସେମାନେ ଚିକିତ୍ସାର ସେତେ ଭଲ ଫଳ ପାଇବେ ବୋଲି ଅଧ୍ୟୟନରେ କୁହାଯାଇଛି। ଏମ୍ସର ଏହି ଅଧ୍ୟୟନ ମେଡିକାଲ ପତ୍ରିକା ‘ଦି ଲାନ୍ସେଟ୍’ରେ ପ୍ରକାଶ ପାଇଛି। ହସ୍ପିଟାଲରେ ପହଞ୍ଚତ୍ବାରେ ବିଭିନ୍ନ ସ୍ତରରେ ଘଟୁଥିବା ବିଳମ୍ବର କାରଣ ଖୋଜି ଏହାର ସମାଧାନ କରାଯିବା ପାଇଁ ଏଥିରେ ପରାମର୍ଶ ଦିଆଯାଇଛି।
ହରିୟାଣାର ଫରିଦାବାଦ ଅନ୍ତର୍ଗତ ବଲ୍ଲଭଗଡ଼ ବ୍ଲକ୍ରେ ହୃଦ୍ଘାତରେ ପ୍ରାଣ ହରାଇଥିବା ଲୋକମାନଙ୍କର ଏକ ସାମାଜିକ ଅଡିଟ୍ କରାଯାଇଥିଲା। ରୋଗୀ ଠିକ୍ ସମୟରେ ହସ୍ପିଟାଲରେ ପହଞ୍ଚତ୍ଥିଲେ ବଞ୍ଚତ୍ୟାଇପାରିଥାନ୍ତେ କି ବୋଲି ସେମାନେ ଜାଣିବାକୁ ଚାହିଁଥିଲେ। ଜରୁରୀ ସ୍ବାସ୍ଥ୍ୟସେବା ପାଇବାରେ ସେମାନେ କିଭଳି ସମସ୍ୟାର ସମ୍ମୁଖୀନ ହେଲେ ଏବଂ ହସ୍ପିଟାଲରେ ପହଞ୍ଚତ୍ବାରେ ବିଳମ୍ବର କାରଣ କ’ଣ ଏ ସମ୍ପର୍କରେ ରୋଗୀଙ୍କ ପରିବାର ସଦସ୍ୟଙ୍କୁ ପଚରାଯାଇଥିଲା ବୋଲି ଏମ୍ସର ସେଣ୍ଟର ଫର୍ କମ୍ୟୁନିଟି ମେଡିସିନ୍ ପ୍ରଫେସର ଆନନ୍ଦ କ୍ରିଷ୍ଣନ କହିଛନ୍ତି। ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ପାଣ୍ଠିରେ ହୋଇଥିବା ଏହି ଅଧ୍ୟୟନରେ ଏମ୍ସର କାର୍ଡିଓଲୋଜି, ନ୍ୟୁରୋଲୋଜି ଏବଂ କମ୍ୟୁନିଟି ମେଡିସିନ୍ ବିଭାଗ ସାମିଲ ହୋଇଥିଲେ।
୩୦ରୁ ୪୦ ପ୍ରତିଶତ ଲୋକେ ପରିସ୍ଥିତି କାରଣରୁ ବିଳମ୍ବର ସମ୍ମୁଖୀନ ହୋଇ ନ ଥିବା ଅଧ୍ୟୟନରୁ ଜଣାପଡ଼ିଛି। ପ୍ରାୟ ୫୫ ପ୍ରତିଶତ କ’ଣ ଘଟିଲା ବୁଝି ନ ପାରି ହସ୍ପିଟାଲ ଯିବାରେ ବିଳମ୍ବ କରିଥାନ୍ତି ବୋଲି ଡା. କ୍ରିଷ୍ଣନ କହିଛନ୍ତି। ସେମାନଙ୍କୁ ହୃଦ୍ଘାତ ହେଲା କିମ୍ବା ସାମାନ୍ୟ ଯନ୍ତ୍ରଣା ହେଉଛି, ତାହା ସେମାନେ ବୁଝିବାକୁ ସମର୍ଥ ହୋଇ ନ ଥାନ୍ତି। ଫଳରେ ହସ୍ପିଟାଲକୁ ଯିବେ କି ନାହିଁ, ଏନେଇ ସେମାନେ ଦ୍ୱନ୍ଦ୍ୱରେ ପଡ଼ିଥାନ୍ତି। ୨୦ରୁ ୩୦ ପ୍ରତିଶତଙ୍କ କ୍ଷେତ୍ରରେ ଚିକିତ୍ସା ପାଇଁ ଗାଡ଼ି ଏବଂ ଅର୍ଥ ଯୋଗାଡ଼କୁ ନେଇ ବିଳମ୍ବ ଦେଖାଦେଇଥାଏ। ସେମାନେ ତୁରନ୍ତ ହସ୍ପିଟାଲ ଯିବାକୁ ଚାହୁଁଥିଲେ ମଧ୍ୟ ଆର୍ଥତ୍କ ଏବଂ ଭୌଗୋଳିକ ସମସ୍ୟା ଏଥିରେ ଅନ୍ତରାୟ ସୃଷ୍ଟି କରିଥାଏ ବୋଲି ଡା. କ୍ରିଷ୍ଣନ କହିଛନ୍ତିି। ପ୍ରାୟ ୧୦ ପ୍ରତିଶତ ରୋଗୀ ଠିକ୍ ସମୟରେ ହସ୍ପିଟାଲରେ ପହଞ୍ଚତ୍ ମଧ୍ୟ ଆପତ୍କାଳୀନ ସୁବିଧା ନ ଥିବାରୁ ଚିକିତ୍ସା ପାଇବାରେ ବିଳମ୍ବର ସମ୍ମୁଖୀନ ହୋଇଥାନ୍ତି। କୋଭିଡ୍ ମହାମାରୀ ପୂର୍ବରୁ ବର୍ଷେ ପର୍ଯ୍ୟନ୍ତ ଏହି ଅଧ୍ୟୟନ ଚାଲିଥିଲା, ଯେଉଁଥିରେ ୪୩୫ ହୃଦ୍ଘାତ ମୃତ୍ୟୁ ମାମଲାକୁ ସାମିଲ କରାଯାଇଥିଲା।
