ଆନନ୍ଦପୁର,୨।୩(ସ୍ବ.ପ୍ର.): ସମ୍ବଲପୁର ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାଡ ଗୁରୁବାର ୫୪ ଗ୍ରାମ ବ୍ରାଉନସୁଗାର ଜବତ କରିଛି। ଏହିସହ ନନ୍ଦିପଦା ଥାନା ଓରାଳିଠାରୁ ଜଣେ ଯୁବକକୁ ଗିରଫ କରାଯାଇଛି। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୫ ଲକ୍ଷ ୪୦ ହଜାର ଟଙ୍କା ହେବ ବୋଲି ସୂଚନା ମିଳିଛି। ଗିରଫ ଅଭିଯୁକ୍ତ ଭଦ୍ରକ ଥାନା ଅପର୍ତ୍ତିବିନ୍ଧା ଅଞ୍ଚଳର ସନ୍ତୋଷ ବାରିକଙ୍କ ପଅ ରବିନ୍ଦ୍ର କୁମାର ବାରିକ(୨୦)। ଅଭିଯୁକ୍ତ ଓରାଳି ନିକଟରେ ଚାଲି ଚାଲି ଯାଉଥିବା ସମୟରେ ଗିରଫ କରାଯାଇଛି। ଗିରଫ ଅଭିଯୁକ୍ତକୁ ଆନନ୍ଦପୁର କୋର୍ଟରେ ହଜାର କରାଯାଇଥିଲା। ପରେ ସ୍ବତନ୍ତ୍ର ସରକାରୀ ଆଇନଜୀବୀ ବାଇଧର ସେଠୀଙ୍କ ଯୁକ୍ତି ବଳରେ ଅଭିଯୁକ୍ତଙ୍କୁ ୧୫ ଦିନ ପାଇଁ ବିଚାର ବିଭାଗୀୟ ହାଜତକୁ ସ୍ଥାନାନ୍ତର କରାଯାଇଛି।
