ଭୁବନେଶ୍ୱର,୨୩।୧୨:ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ବଜାଜ ଅଟୋ ଲିମିଟେଡ୍ର ସ୍ବୀକୃତିପ୍ରାପ୍ତ ଡିଲର ଜଗନ୍ନାଥ ଅଟୋ ଜରିଆରେ କମ୍ପାନୀ ୫୦ ଅଟୋ ଗ୍ରାହକଙ୍କୁ ହସ୍ତାନ୍ତରଣ କରାଯାଇଛି। ଏପରିକି ନୟାପଲ୍ଲୀସ୍ଥିତ ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆର ଆଞ୍ଚଳିକ ଶାଖା କାର୍ଯ୍ୟାଳୟ ପରିସରରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମ ଜରିଆରେ ବ୍ୟାଙ୍କର ମୁଦ୍ରାଋଣ ପରିପ୍ରେକ୍ଷୀରେ ଜଗନ୍ନାଥ ଅଟୋ ପକ୍ଷରୁ ୫୦ଟି ବଜାଜ ଅଟୋ ଗାଡି ଗ୍ରାହକଙ୍କୁ ହସ୍ତାନ୍ତର କରାଯାଇଥିଲା। ଏହି ପରିପ୍ରେକ୍ଷୀରେ ୟୁନିୟନ ବ୍ୟାଙ୍କର ଡିଜିଏମ୍ ସତ୍ୟବାନ ବେହେରା, ଏଜିଏମ୍ ଅଶୋକ ମିଶ୍ର, ଜଗନ୍ନାଥ ଅଟୋର ମୁଖ୍ୟ ସୁଶୀଲ ସୁବୁଦ୍ଧି, ବଜାଜ ଅଟୋର ଆଞ୍ଚଳିକ ମୁଖ୍ୟ ଗିରୀଶ ସେନାନି, ଆଞ୍ଚଳିକ ଫାଇନାନ୍ସ ମୁଖ୍ୟ ଋତୁରାଜ ବରୋବରା ଏବଂ ଏରିଆ ସର୍ଭିସ ଅଫିସର ଚନ୍ଦନ ମହାପାତ୍ରଙ୍କ ବ୍ୟତୀତ ଜଗନ୍ନାଥ ଅଟୋର ସାଧାରଣ ପ୍ରବନ୍ଧକ ଧର୍ମାଶିଷ ନନ୍ଦ ପ୍ରମୁଖ ଉପସ୍ଥିତ ଥିଲେ। ବିଶେଷକରି ବଜାଜ ଅଟୋର ୩ଚକିିଆ ବ୍ୟବସାୟିକ ଯାନ ଗ୍ରାହକମାନଙ୍କୁ ୟୁନିୟନ ବ୍ୟାଙ୍କ ପକ୍ଷରୁ ସର୍ବନିମ୍ନ ହାରରେ ଋଣପ୍ରଦାନ କରାଯାଇ ସମଗ୍ର ଖୋର୍ଦ୍ଧା ଏବଂ ପୁରୀ ଜିଲା ପାଇଁ ଏକମାତ୍ର ସ୍ବୀକ୍ୃତିପ୍ରାପ୍ତ ବିକ୍ରୟ ପ୍ରତିଷ୍ଠାନ ଜଗନ୍ନାଥ ଅଟୋ ପକ୍ଷରୁ ୫୦ଟି ବଜାଜ ଗାଡ଼ି ହସ୍ତାନ୍ତର କରାଯାଇଥିଲା। ଉଲ୍ଲେଖଯୋଗ୍ୟ, ବଜାଜ ଅଟୋର ଏରିଆ ସେଲ୍ସ ମୁଖ୍ୟ ଦେବାଶିଷ ପଣ୍ଡା ଏବଂ ଜଗନ୍ନାଥ ଅଟୋର ବିକ୍ରୟ ମୁଖ୍ୟ ମନୋଜ ମହାପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ। ଏପରିକି ୟୁନିୟନ ବ୍ୟାଙ୍କର ବରିଷ୍ଠ ଅଧିକାରୀଙ୍କ ସମେତ ଉଭୟ ବଜାଜ ଓ ଜଗନ୍ନାଥ ଅଟୋର ଅଧିକାରୀ ଓ ନିମନ୍ତ୍ରିତ ପ୍ରାୟ ୫୦ଜଣ ଗ୍ରାହକ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମକୁ ସଫଳ କରାଇଥିଲେ। ସୂଚନାଯୋଗ୍ୟ, ଜଗନ୍ନାଥ ଅଟୋ ବିଗତ ୭ବର୍ଷ ଧରି ବ୍ୟବସାୟିକ ଯାନର ଅଧିକୃତ ବିକ୍ରେତା ଭାବେ ଉତ୍କୃଷ୍ଟ ଗ୍ରାହକ ସେବା ଓ ବଳିଷ୍ଠ ଭିତ୍ତିଭୂମି ବଳରେ ଓଡ଼ିଶା ମାନଚିତ୍ରରେ ଏକ ସ୍ବତନ୍ତ୍ର ସ୍ଥାନ ହାସଲ କରିପାରିଛି।
