ଲକ୍ଷ୍ନୌ,୧୯।୯: ଉତ୍ତରପ୍ରଦେଶ ବେଆଇନ ଧର୍ମାନ୍ତରୀକରଣ ନିରାକରଣ ଆଇନ, ୨୦୨୧ରେ ପ୍ରଥମ ଥର ଲାଗି ଜଣେ ୨୬ ବର୍ଷୀୟ କାଠମିସ୍ତ୍ରୀଙ୍କୁ ଦୋଷୀସାବ୍ୟସ୍ତ କରାଯାଇଛି। ଆମ୍ରୋହାର ଏକ ଅଦାଲତ ଶନିବାର ତାଙ୍କୁ ଦୋଷୀସାବ୍ୟସ୍ତ କରିବା ସହ ୫ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। ଗତବର୍ଷ ଡିସେମ୍ବରରେ ଏହି ନୂଆ ଆଇନ କାର୍ଯ୍ୟକାରୀ ହୋଇଥିଲା। ଆମ୍ରୋହାର ଅତିରିକ୍ତ ଜିଲା ଜଜ୍ (ପୋକ୍ସୋ କୋର୍ଟ) କପିଳା ରାଘବ ଅପରାଧୀ ଅଫଜଲଙ୍କୁ ୫ ବର୍ଷ ଜେଲଦଣ୍ଡ ସହ ୪୦,୦୦୦ ଟଙ୍କା ଜରିମାନା ଲଗାଇଛନ୍ତି। ଅନ୍ୟ ସମ୍ପ୍ରଦାୟର ଜଣେ ନାବାଳିକାଙ୍କୁ ଅପହରଣ କରିବା ଅଭିଯୋଗରେ ଅଫଜଲଙ୍କୁ ଆମ୍ରୋହା ପୋଲିସ ଗତବର୍ଷ ଏପ୍ରିଲ ୪ରେ ଦିଲ୍ଲୀରୁ ଗିରଫ କରିଥିଲା। ନାବାଳିକା ପରିବାରର ଅଭିଯୋଗକ୍ରମେ ଅଫଜଲଙ୍କ ନଁାରେ ଅପହରଣ ଏବଂ ଧର୍ମାନ୍ତରୀକରଣ ନିରୋଧୀ ଆଇନରେ ମାମଲା ରୁଜୁ ହୋଇଥିଲା।
