ଭୁବନେଶ୍ୱର,୧।୨: ଜାତୀୟ ପ୍ରାଣୀଉଦ୍ୟାନ ନନ୍ଦନକାନନରେ ୫ ବଉଳା କୁମ୍ଭୀରଙ୍କ ମୃତ୍ୟୁ ଘଟିଛି। ଜାନୁଆରୀ ୨୩ରୁ ୩୦ ମଧ୍ୟରେ ମୋଟ ୫ କୁମ୍ଭୀରଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ତେବେ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ କର୍ତ୍ତୃପକ୍ଷ କୁମ୍ଭୀରଙ୍କ ପୋଷ୍ଟମର୍ଟମ କରିଛନ୍ତି । ମତ୍ୟୁର ପ୍ରକୃତ କାରଣ ରିପୋର୍ଟ ଆସିବା ପରେ ଜଣାପଡ଼ିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି।
ନନ୍ଦନକାନନ ପ୍ରାଣୀଉଦ୍ୟାନ (ଏନଜେଡପି)ରେ ଅଗଷ୍ଟରେ ଏକ ଧଳା ବାଘ ଶାବକର ମତ୍ୟୁ ହୋଇଥିଲା ।
ଏହି ଶାବକ ଜୁନ ୭ ତାରିଖରେ ବାଘୁଣୀ ମୌସୁମୀ ଓ ବାଘ ରାଜେଶଙ୍କ ମିଳନରୁ ଜନ୍ମ ହୋଇଥିଲା। ରିପୋର୍ଟ ଅନୁସାରେ, ଶାବକଟି ଜନ୍ମରୁ ଅସୁସ୍ଥ ଥିଲା। ଏହାକୁ ମା’ଠାରୁ ଅଲଗା ରଖି ନନ୍ଦନକାନନର ପଶୁ ଚିକିତ୍ସା ଘରେ ବିଶେଷ ଯତ୍ନରେ ରଖାଯାଇଥିଲା। ତଥାପି, ଶାବକଟିର ମୃତ୍ୟୁ ହୋଇଥିଲା
