ଭୁବନେଶ୍ୱର, ୪।୭(ବ୍ୟୁରୋ): ରାଜ୍ୟରେ ଶନିବାର ପୁଣି ୪୯୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୮,୬୦୧ରେ ପହଞ୍ଚିଛି। ଏ ନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ନୂଆ ୪୯୫ ଆକ୍ରାନ୍ତଙ୍କ ମଧ୍ୟର ୩୫୫ କ୍ୱାରାଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୧୪୦ ଲୋକାଲ କେସ୍ ରହିଛି।
ନୂଆ ୪୯୫ ସଂକ୍ରମିତଙ୍କ ମଧ୍ୟରୁ ଗଞ୍ଜାମ ଜିଲାରୁ ସର୍ବାଧିକ ୨୧୬ଜଣ ରହିଛନ୍ତି। ସେହିପରି ଅନୁଗୋଳ ୨୪, ବାଲେଶ୍ୱର ୧୩, ବରଗଡ଼ ୨, ଭଦ୍ରକ ୧୨, କଟକ ୧୩, ଢେଙ୍କାନାଳ ୧, ଗଜପତି ୭, ଜଗତ୍ସିଂହପୁର ୧୨, ଯାଜପୁର ୧, ଝାରସୁଗୁଡ଼ା-କନ୍ଧମାଳରୁ ୮ଜଣ ଲେଖାଏ, କେନ୍ଦ୍ରାପଡ଼ା ୧୧, କେନ୍ଦୁଝର ୫, ଖୋର୍ଦ୍ଧା ୫୦, କୋରାପୁଟ ୫, ମାଲକାନଗିରି ୫, ମୟୂରଭଞ୍ଜ ୨୮, ନବରଙ୍ଗପୁର ୧୧, ନୟାଗଡ଼ ୧ ଏବଂ ପୁରୀ ୧୮, ସମ୍ବଲପୁର ୬, ସୋନପୁର ୨, ସୁନ୍ଦରଗଡ଼ରୁ ୩୬ ଜଣ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ୮,୬୦୧ କରୋନା ଆକ୍ରାନ୍ତଙ୍କ ମଧ୍ୟରୁ ୨୮୫୩ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି। ସେହିପରି ୫୭୦୫ ଜଣ ସୁସ୍ଥ ହେଲେଣି।
