ଟେନ୍ସା,୧୯।୨(ସମୀର କୁମାର ପାଢ଼ୀ): ରେଲଓ୍ବେ ଟ୍ରାକରୁ ୪ ମୃତଦେହ ମିଳିବା ଘଟଣାରେ ପୋଲିସ ରହସ୍ୟ ଉପରୁ ପରଦା ଉଠାଇଛି। ଝାଡଖଣ୍ଡ ପୋଲିସ ଦ୍ୱାରା ୫ ଅଭିଯୁକ୍ତ ଗିରଫ କରାଯାଇଛି। ହତ୍ୟା ପଛରେ ଘରୋଇ ବିବାଦ ଏବଂ ଏକ ତେନ୍ତୁଳି ଗଛ ଯୋଗୁ ଏହି ହତ୍ୟାକାଣ୍ଡ ଘଟିଥିବା ପୋଲିସ କହିଛି ।
ଖବର ଅନୁଯାୟୀ, ଶନିବାର ଓଡ଼ିଶା-ଝାଡଖଣ୍ଡ ସୀମା ପଶ୍ଚିମ ସିଂହଭୂମ ଜିଲାର ଚକ୍ରଧରପୁର ରେଳ ବିଭାଗ ତାଲାବୁରୁ ଏବଂ କେନ୍ଦୋପୋସି ରେଳ ଷ୍ଟେସନ ନିକଟରେ ୪ ଜଣଙ୍କ ମୃତଦେହ ଠାବ ହୋଇଥିଲା । ୪ ମୃତଦେହ ଦେଖିବା ପରେ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛଥିଲା । ଦୁଇଟି ମୃତଦେହକୁ ଅଖା ଭିତରେ ସିଲ୍ କରାଯାଇ ଥିବା ବେଳେ ଦୁଇ ଶିଶୁଙ୍କ ମୃତଦେହ ବାହାରେ ପକାଯାଇଥିଲା । ହତ୍ୟା ଅଭିଯୋଗରେ ଗିରଫ ବ୍ୟକ୍ତିଙ୍କ ମଧ୍ୟରେ ମଙ୍ଗଲ ସିଂ ସିଙ୍କୁ, ମୋଟ୍ରା ସିଙ୍କୁ, ଜୋଜେନ ସିଙ୍କୁ, ସୋମା ସିଙ୍କୁ ଏବଂ ଟୁପାରା ସିଙ୍କୁ ଅଛନ୍ତି।
