ନୂଆଦିଲ୍ଲୀ,୧୦।୧୦: ଚଳିତ ଆର୍ଥିକ ବର୍ଷ (୨୦୨୨-୨୩)ର ପ୍ରତ୍ୟକ୍ଷ ଟିକସ ସଂଗ୍ରହ ଅକ୍ଟୋବର ୮ ପର୍ଯ୍ୟନ୍ତ ପ୍ରାୟ ୯ (୮.୯୮) ଟ୍ରିଲିୟନ ଟଙ୍କା ରହିଛି ବୋଲି ରବିବାର ଅର୍ଥ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଏପରିକି ଗତ ବର୍ଷ ଏହି ସମାନ ଅବଧି ମଧ୍ୟରେ ମୋପ ଅପ୍ ଠାରୁ ୨୩.୮% ଅଧିକ ବୋଲି ଜଣାପଡିଛି। ସେହିଭଳି ନେଟ୍ ଟିକସ ସଂଗ୍ରହ (ଫେରସ୍ତ ପରେ) ୭.୪୫ ଟ୍ରିଲିୟନ ଟଙ୍କା ରହିଛି। ଯାହା ୨୦୨୨-୨୩ ବଜେଟ୍ ଆକଳନର ୫୨% ଅଟେ ବୋଲି କୁହାଯାଇଛି। ୨୦୨୨-୨୩ ପାଇଁ କେନ୍ଦ୍ର ସରକାର ବଜେଟରେ ପ୍ରତ୍ୟକ୍ଷ ଟିକସ ସଂଗ୍ରହ ୧୪.୨୦ ଟ୍ରିଲିୟନ ଟଙ୍କା ହୋଇଛି, ଯାହା ୨୦୨୧-୨୨ରେ ସଂଗୃହୀତ ୧୪.୧୦ ଟ୍ରିଲିୟନ ଟଙ୍କା ରହିଛି।
ସେହପରି ଚଳିତ ଆର୍ଥିକ ବର୍ଷର ୧ ଏପ୍ରିଲ୍ରୁ ୮ ଅକ୍ଟୋବର ମଧ୍ୟରେ ମୋଟ ଆକଳନ ବ୍ୟକ୍ତିଗତ ଆୟକର (ସିକ୍ୟୁରିଟି କାରବାର ଟ୍ୟାକ୍ସ ଅନ୍ତର୍ଭୁକ୍ତ କରି) ଆୟରେ ୩୨% ଅଭିବୃଦ୍ଧି ଏବଂ ଗତବର୍ଷ ସମାନ ଅବଧି ମଧ୍ୟରେ କର୍ପୋରେଟ୍ ଟିକସ ରାଜସ୍ବରେ ୧୬.୭୩% ବୃଦ୍ଧି ଅନ୍ତର୍ଭୁକ୍ତ କରିଛି। ଚଳିତ ବର୍ଷ ୮ ଅକ୍ଟୋବର ପର୍ଯ୍ୟନ୍ତ ପ୍ରତ୍ୟକ୍ଷ ଟିକସ ସଂଗ୍ରହ ମୋଟ ସଂଗ୍ରହ ୮.୯୮ ଟ୍ରିଲିୟନ ଟଙ୍କା ରହିଛି, ଯାହା ଗତ ବର୍ଷର ସମାନ ସମୟ ପାଇଁ ମୋଟ ସଂଗ୍ରହଠାରୁ ୨୩.୮% ଅଧିକ ବୋଲି ଅର୍ଥ ମନ୍ତ୍ରଣାଳୟ ମତବ୍ୟକ୍ତ କରିଛି। ଏପରିକି ଗତ ଏପ୍ରିଲରୁ ଅକ୍ଟୋବର ୮ ମଧ୍ୟରେ ୧.୫୩ ଟ୍ରିଲିୟନ ଟଙ୍କା ଫେରସ୍ତ ପ୍ରଦାନ କରାଯାଇଛି, ଯାହା ଗତ ବର୍ଷ ତୁଳନାରେ ୮୧% ବୃଦ୍ଧି ଘଟିଛି। ଅପରପକ୍ଷରେ ମୁଦ୍ରାସ୍ଫୀତି ୬ ରୁ ୭% ମଧ୍ୟରେ ଚାଲିଥିବା ବେଳେ ଟିକସ ସଂଗ୍ରହ ମୁଦ୍ରାସ୍ଫୀତି ହାରଠାରୁ ସୁସ୍ଥ ଅଭିବୃଦ୍ଧି ଦେଖାଇବା ଜରୁରୀ ରହିଛି।
ଶକ୍ତିଶାଳୀ ଅର୍ଥନୈତିକ ଅଭିବୃଦ୍ଧି, ଉନ୍ନତ ରିପୋର୍ଟ ସହ ମିଶି ଟିକସ ସଂଗ୍ରହ ଆକଳନକୁ ସମର୍ଥନ କରୁଥିବା ପରି ମନେ ହୁଏ। ସଂଗ୍ରହ ଦୃଢ ଥିବାବେଳେ କୋଭିଡ ପରେ ଏହା ପୁନର୍ଜୀବିତ କର୍ପୋରେଟ ନିବେଶ ଚକ୍ର ଦ୍ୱାରା ମଧ୍ୟ ସମାନ ସମର୍ଥନ ହେବା ଆବଶ୍ୟକ ବୋଲି ଡେଲୋଏଟ ଇଣ୍ଡିଆର ସହଭାଗୀ ରୋହିଣ୍ଟନ ସିଦ୍ଧୱା କହିଛନ୍ତି। ଟିକସ ସଂଗ୍ରହ ନୀତି ନିର୍ଣ୍ଣୟକାରୀଙ୍କ ପାଇଁ ଏକ ଉଜ୍ଜ୍ୱଳ ସ୍ଥାନ ହୋଇପାରିଛି। ପରୋକ୍ଷ ଟିକସ ସଂଗ୍ରହ ମଧ୍ୟ ଦୃଢ ଅଭିବୃଦ୍ଧି ଦେଖାଉଛି। ଚାହିଦା ବୃଦ୍ଧି, ଅଧିକ ହାର ଏବଂ ଅଧିକ ଟିକସ ଅନୁପାଳନ ହେତୁ ସେପ୍ଟେମ୍ବର ପାଇଁ ଦ୍ରବ୍ୟ ଏବଂ ସେବା ଟିକସ ଆୟ ୨୬% ବୃଦ୍ଧି ହୋଇ ୧.୪୭ ଟ୍ରିଲିୟନ ଟଙ୍କାରେ ରହିଛି। ଦେଶବ୍ୟାପୀ ଟିକସରୁ ସଂଗ୍ରହ ୭ମ ମାସ ପାଇଁ ୧.୪ ଟ୍ରିଲିୟନରୁ ଅଧିକ ରହିଛି।
