ବ୍ରହ୍ମପୁର ଅଫିସ,୨୪ା୨: ଗଞ୍ଜାମ ଜିଲାର ଗ୍ରାମାଞ୍ଚଳଠାରୁ ଆରମ୍ଭ କରି ସହରାଞ୍ଚଳ ପର୍ଯ୍ୟନ୍ତ ବିନା ଦରମାରେ ଆଶାକର୍ମୀ ସ୍ବାସ୍ଥ୍ୟସେବା ଯୋଗାଉଛନ୍ତି। ଏଣୁ ଗ୍ରାମାଞ୍ଚଳରେ କାମ କରୁଥିବା ୨୨ ଜଣ ଏବଂ ସହରାଞ୍ଚଳରୁ ଜଣେ ଆଶାକର୍ମୀଙ୍କୁ ଗୁରୁବାର ପୁରସ୍କୃତ କରାଯାଇଛି। ଗଞ୍ଜାମ ଜିଲାସ୍ତରୀୟ ଆଶା ଓ ଗଁା କଲ୍ୟାଣ ସମିତିର ବାର୍ଷିକ ଉତ୍ସବରେ ଜିଲା ପରିଷଦ ଅଧ୍ୟକ୍ଷା ଅଞ୍ଜଳି ସ୍ବାଇଁ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଜିଲା ମୁଖ୍ୟ ଜନ ସ୍ବାସ୍ଥ୍ୟ ଅଧିକାରୀ (ସିଡିଏମ୍ଓ) ଡା. ଉମାଶଙ୍କର ମିଶ୍ର, ଜିଲା ସମାଜ ମଙ୍ଗଳ ଅଧିକାରୀ ଶୁଭଶ୍ରୀ ପାତ୍ର, ଜିଲା ସ୍ବାସ୍ଥ୍ୟ ଅଧିକାରୀ ଡା. ଜଗଦୀଶ ପଟ୍ଟନାୟକ, ଅତିରିକ୍ତ ମୁଖ୍ୟ ଚିକିତ୍ସାଧିକାରୀ ସରୋଜିନୀ ଦେବୀ, ଜିଲା ଆଶା ମ୍ୟାନେଜର ଆଶିଷ ମିଶ୍ର, ଜିଲା ଗୁଣବତ୍ତା ଅଧିକାରୀ ସଞ୍ଜୟ ପରିଡା, ପ୍ରଦୀପ ସାହୁ, ଦିଲୀପ ପଣ୍ଡା ପ୍ରମୁଖ ମଞ୍ଚାସୀନ ରହି ଆଶାମାନଙ୍କ ସ୍ବାସ୍ଥ୍ୟ ସେବାରେ ଅଗ୍ରଣୀ ଭୂମିକା ପାଇଁ ପ୍ରଶଂସା କରିଥିଲେ।
ଏହି ଅବସରରେ ଆସ୍କା ବ୍ଲକର ଏ. ଲକ୍ଷ୍ମୀ ପାତ୍ର, ବେଗୁନିଆପଡାରୁ ବିଷ୍ଣୁପ୍ରିୟା ସାହୁ, ବେଲଗୁଣ୍ଠାରୁ ଗୀତା ରାଓ, ପାତ୍ରପୁରରୁ ପୂର୍ଣ୍ଣବାସୀ ପ୍ରଧାନ, ପୁରୁଷୋତ୍ତମପୁରରୁ ଏନ୍. ସୁଲୋଚନା ଦୋରା, ଖଲ୍ଲିକୋଟର ନୟନା ନାୟକ, ଧରାକୋଟର ଇନ୍ଦୁମତୀ ମହାରଣା, ଛତ୍ରପୁରର କେ. ଯମୁନା ରେଡ୍ଡୀ,ରଙ୍ଗେଇଲୁଣ୍ଡାର କାମିନୀ ବଡ଼ତ୍ୟା, କବିସୂର୍ଯ୍ୟନଗରରୁ ମାନସ ବିଶ୍ୱାଳ, ଦିଗପହଣ୍ଡିର ସୁଷମା ବିଶୋଇ, ସୋରଡ଼ାର ପ୍ରମିଳା ଶତପଥୀ, ଗଞ୍ଜାମର ଜୟନ୍ତୀ ପ୍ରଧାନ, ଶେରଗଡ଼ର ଶାନ୍ତିଲତା ପଣ୍ଡା, କୁକୁଡାଖଣ୍ଡିର ସବିତା ସାହୁ, ବୁଗୁଡ଼ାର ନମିତା ନାହକ, ଭଞ୍ଜନଗରରୁ ବାଳାମାଣି ସାହୁ, ଚିକିଟିରୁ ପି. ପଦ୍ମାବତୀ, ହିଞ୍ଜିଳିରୁ ରୁନୁ ସାହୁ, ପୋଲସରାରୁ ରତ୍ନମାଳା ବେହେରା, ସାନଖେମୁଣ୍ଡିର ସୁନିତା ଜେନା, ଜଗନ୍ନାଥପ୍ରସାଦରୁ ପୁଷ୍ପାଞ୍ଜଳି ସ୍ବାଇଁ, ବିଇଏମ୍ସିରୁ ମିନାକ୍ଷୀ ବେହେରା ଆଶା କର୍ମୀମାନଙ୍କୁ ଜିଲାର ଶ୍ରେଷ୍ଠ ଆଶା କାର୍ଯ୍ୟରେ ଉଲ୍ଲେଖନୀୟ ଅବଦାନ ପାଇଁ ଅତିଥିମାନେ ସମ୍ମାନିତ କରିଛନ୍ତି।
ଶ୍ରେଷ୍ଠ ସୁସ୍ଥ ଗ୍ରାମ ଭାବେ ଆସ୍କାର ବରଗଁା, ବେଗୁନିଆପଡାର ଜେ. ଛଞ୍ଚିନା, ବେଲଗୁଣ୍ଠାର ଠେଙ୍ଗାଧର, ଭଞ୍ଜନଗରର ମଲାସପଦର, ବୁଗୁଡ଼ାର ମୋଟାବାଡି, ଚିକିଟିର ସୁବର୍ଣ୍ଣପୁର, ଧରାକୋଟର କେ. ରାଜେନ୍ଦ୍ରପୁର, ଦିଗପହଣ୍ଡିର ଛଣଚଢ଼େୟାପଲି, ଗଞ୍ଜାମର ବାହାଇପୁର, ହିଞ୍ଜିଳିର ବୁରୁପଡା, ଜଗନ୍ନାଥପ୍ରସାଦର ରୁଢ଼ାପଦର, କବିସୂର୍ଯ୍ୟନଗରର ପାଇକ ଜମୁନା, ରାମଚନ୍ଦ୍ରପୁର, କୁକୁଡାଖଣ୍ଡିର ଜଗଦଳପୁର, ପାତ୍ରପୁରର ରାଜପୁର, ପୋଲସରାର ରୂଖାକଣା, ପୁରୁଷୋତ୍ତମ ପୁରର ସୁନଥର, ରଙ୍ଗେଇଲୁଣ୍ଡାର ବି. ନୂଆଗଁା, ସାନ ଖେମୁଣ୍ଡିର ନିସ୍ତିପୁର, ଶେରଗଡ଼ର ମହୁପଦର ଏବଂ ସୋରଡ଼ା ବ୍ଲକର ବାଲିନାଳ ପଞ୍ଚାୟତକୁ ଜିଲାରେ ପୁରସ୍କୃତ କରାଯାଇଛି।