ନୂଆଦିଲ୍ଲୀ,୪।୧୦: ଦକ୍ଷିଣ କଶ୍ମୀରର କୁଲଗାମ ଜିଲାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଥିଲା। କଶ୍ମୀର ଜୋନ ପୋଲିସ କହିଛି ଯେ, କୁଲଗାମର କୁଜଗର ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଏଠାରେ ସୁରକ୍ଷା ବାହିନୀ ଦୁଇ ଆତଙ୍କବାଦୀଙ୍କୁ ହତ୍ୟା କରିଛନ୍ତି। ଏନକାଉଣ୍ଟର ସ୍ଥାନରୁ ନିହତ ଆତଙ୍କବାଦୀଙ୍କ ମୃତଦେହ ଉଦ୍ଧାର ପାଇଁ ଏହି ଅପରେଶନ ଚାଲିଛି। ଏହା ସହିତ ଆଖପାଖ ଅଞ୍ଚଳରେ ସର୍ଚ୍ଚ ଅପରେଶନ ଚାଲିଛି।
ଅନ୍ୟପକ୍ଷରେ ବୁଧବାର ରାଜୌରିର କାଲାକୋଟର ଟାଟାପାନି ଜଙ୍ଗଲରେ ସୁରକ୍ଷା ବାହିନୀର ଅପରେଶନ ମଧ୍ୟ ଚାଲିଛି। ଯଦିଓ ଆତଙ୍କବାଦୀଙ୍କ ବିଷୟରେ ଏପର୍ଯ୍ୟନ୍ତ କୌଣସି ସୂଚନା ମିଳିନାହିଁ, ତଥାପି ସର୍ଚ୍ଚ ଅପରେଶନ ଚାଲିଛି। ଏହି ଜଙ୍ଗଲକୁ ବ୍ୟାପକ ପରିମାଣରେ ଅନୁସନ୍ଧାନ କରାଯାଉଛି।
