ଜୟପୁର,୨୦ା୧୧(ଡି.ଏନ.ଏ)-କୋରାପୁଟ ଜିଲା ଜୟପୁର ସଦର ଥାନା ପକ୍ଷରୁ ଚଢାଉ କରାଯାଇ ୨ କୁଇଣ୍ଟାଲ ୫୭ କେଜି ଗଞ୍ଜେଇ ଜବତ ହୋଇଛି। ଏଥିରେ ସମ୍ପୃକ୍ତ ୪ଜଣଙ୍କୁ ପୋଲିସ ଗିରଫ କରିଛି। ସେମାନେ ହେଲେ ବୌଦ ସଦରଥାନା କୁସୁମଝୁଲି ଗ୍ରାମର ଡ୍ରାଇଭର ସ୍ବାଧୀନ ନାୟକ (୩୭), ମନମୁଣ୍ଡା ଥାନା ଭାଲିପଦର ଗ୍ରାମର ଅନନ୍ତ ଭୋଇ (୨୭), ଅନୁଗୋଳ ଜିଲା ଛେଣ୍ଡିପଦା ଥାନା ନୂଆଗାଁର ବଳିଆରଭୁଜ ସାହୁ(୩୨) ଓ ଦେଓଗଡ ଜିଲା କୁନ୍ଦେଇଗଲା ଥାନା ପାରା ଗ୍ରାମର ସୁବ୍ରତ ପ୍ରଧାନ (୩୨)।
ପୋଲିସ କହିଛି, ଗୁରୁବାର ସନ୍ଧ୍ୟାରେ ଲମୁତାପୁଟରୁ ଜୟପୁର ସହରକୁ ଏକ ପିକଅପ ଭ୍ୟାନରେ ଗଞ୍ଜେଇ ଆସୁଥିବା ସୂଚନା ପାଇ ସଦରଥାନା ଅଧିକାରୀ ଆଦିତ୍ୟ ମହାକୁରଙ୍କ ନେତୃତ୍ୱରେ ଏକ ଟିମ୍ ପାତ୍ରପୁଟ ଗ୍ରାମ ନିକଟସ୍ଥ କୋଲାବ ନଦୀ ପୋଲଠାରେ ଜଗି ରହିଥିଲେ ା ଏକ ବିନା ନମ୍ବରର ଧଳାରଙ୍ଗର ପିକଅପ ଭ୍ୟାନକୁ ଅଟକାଇ ମାଜିଷ୍ଟ୍ରେଟଙ୍କ ଉପସ୍ଥିତିରେ ଯାଞ୍ଚ କରିଥିଲେ। ସେଥିରୁ ଉପରୋକ୍ତ ପରିମାଣର ଗଞ୍ଜେଇ ମିଳିଥିଲା। ଏହାର ଅନୁମାନିକ ବଜାର ମୂଲ୍ୟ ୨୫ ଲକ୍ଷ ଟଙ୍କା ହେବ ବୋଲି କୁହାଯାଉଛି।