ବାରିପଦା ଅଫିସ,୧୬ା୭- ଜୈବିକ ବର୍ଜ୍ୟବସ୍ତୁ ପରିଚାଳନା ଓ ଇନ୍ଫେକଶନ ପ୍ରିଭନେଶନ୍ କଣ୍ଟ୍ରୋଲ ନିୟମ ଉଲ୍ଲଂଘନ କରିଥିବା ଅଭିଯୋଗରେ ବୁଧବାର ମୟୂରଭଞ୍ଜ ଜିଲା ପ୍ରଶାସନ ବାରିପଦା ସହରରେ ଥିବା ଘରୋଇ ହସ୍ପିଟାଲ ଜୟା ଓ ଗାୟତ୍ରୀକୁ ସିଲ୍ କରିଛି। ଅପରାହ୍ନ ୫ଟାରେ ବାରିପଦା ଉପଜିଲାପାଳ ପି.ଅନ୍ବେଷା ରେଡ୍ଡୀ, ତହସିଲଦାର ରାମଚନ୍ଦ୍ର ସୋରେନ୍, ଏସ୍ଡିପିଓ କେ.କେ. ହରିପ୍ରସାଦଙ୍କ ନେତୃତ୍ୱରେ ଏକ ଟିମ୍ ଚଢ଼ାଉ କରି ହସ୍ପିଟାଲ୍ ୨ଟିକୁ ସିଲ୍ କରିଥିଲେ। ମିଳିଥିବା ସୂଚନା ଅନୁସାରେ ଗତ ମାସ ୨୮ ତାରିଖରେ ଉକ୍ତ ଦୁଇ ଘରୋଇ ହସ୍ପିଟାଲ୍କୁ ନିୟମ ପାଳନ କରିବା ପାଇଁ ନୋଟିସ୍ ଦିଆଯାଇଥିଲା। ବୁଧବାର ଚଢ଼ାଉ ବେଳେ ନିୟମ ଉଲ୍ଲଂଘନ କରିଥିବାରୁ ପ୍ରଶାସନ ପକ୍ଷରୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ସୂଚନା ମିଳିଛି।
