ୱାଶିଂଟନ୍: ବର୍ତ୍ତମାନ ଅନ୍ଲାଇନର ଯୁଗ। କୌଣସି ଜିନିଷ କିଣିବାକୁ ହେଲେ ବାହାରକୁ ନ ଯାଇ ସହଜରେ ଘରେ ବସି ଡର କରିଦେଲେ ତାହା ଘରେ ଆସି ପହଞ୍ଚିଯାଉଛି। ହେଲେ ଏହା ବେଳେବେଳେ ଘାତକ ସାବ୍ୟସ୍ତ ହେଉଛି। ନିକଟରେ ଆମେରିକାରେ ଜଣେ ୫ ବର୍ଷୀୟା ଝିଅ ଅନ୍ଲାଇନରୁ ଖେଳନା ଏବଂ ବୁଟ୍ ଅର୍ଡର କରିଦେଇଛନ୍ତି। ଯାହାର ମୂଲ୍ୟ ୨.୪୭ ଲକ୍ଷ ଟଙ୍କା ହେବ। ରିପୋର୍ଟ ମୁତାବକ, ମା’ ଜେସିକା ନୁନେସ୍ କାର୍ ଡ୍ରାଇଭିଂ କରି ଘରକୁ ଆସୁଥିଲେ। ସେହି ସମରେ ଝିଅ ଲିଲା ବାରିସ୍କୋ ଜେସିକାଙ୍କ ଫୋନ୍ରେ ଖେଳୁଥିଲେ। ପରେ ଜେସିକା ଦେଖିବା ବେଳକୁ ଆମାଜନ୍ରୁ ୧୦ ଛୁଆଙ୍କ ଖେଳନା ବାଇକ୍, ଏକ ଜିପ୍, ୧୦ ବୁଟ୍ର ଅର୍ଡର ହୋଇଥିଲା। ସେ ତୁରନ୍ତ ବାଇକ୍ର ଅଧା ଅର୍ଡର ରଦ୍ଧ କରିଦେଇଥିଲେ। ହେଲେ ବାକି ଜିନିଷକୁ ରଦ୍ଧ କରିପାରି ନ ଥିଲେ। ଆଉ ସେ ସବୁ ଜିନିଷ ଫେରାଇବାର ମଧ୍ୟ ସୂଚନା ନ ଥିଲା। ତେବେ ଜିପ୍ ଏବଂ ବାଇକ୍ର ମୂଲ୍ୟ ୨ ଲକ୍ଷ ୬୧ ହଜାରରୁ ଊର୍ଦ୍ଧ୍ୱ ହୋଇଥିବାବେଳେ ବୁଟ୍ର ମୂଲ୍ୟ ପାଖାପାଖି ୫୦ ହଜାର ଟଙ୍କା ଥିଲା। ସେ ତାଙ୍କ ଝିଅକୁ ପଚାରିବାରେ, ସେ ଏକ ବାଏ ନାଓରେ ମାରିଥିବା କହିଥିଲେ।