ଚନ୍ଦ୍ରର ଦକ୍ଷିଣ ଭାଗରେ ଅବତରଣ କରି ଇତିହାସ ସୃଷ୍ଟି କରିବା ପରେ ଇସ୍ରୋ ଆରମ୍ଭ କରିଛି ସୂର୍ଯ୍ୟ ମିଶନ। ଶନିବାର ଆଦିତ୍ୟ ଏଲ୧ ରେ ଶ୍ରୀହରିକୋଟାସ୍ଥିତ ଲଞ୍ଚ ପ୍ୟାଡରେ ଏହା ଲଞ୍ଚ ହେବ। ଏଥିପାଇଁ କାଉଣ୍ଟଡାଉନ୍ ଆରମ୍ଭ ହୋଇଯାଇଛି। ଭାରତୀୟ ମହାକାଶ ଅନୁସନ୍ଧାନ ସଂସ୍ଥା ଶନିବାର ୧୧ଟା୫୦ମିନିଟରେ ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ଏହାକୁ ଉତକ୍ଷେପଣ କରିବ। ପୃଥିବୀ ଠାରୁ ସୂର୍ଯ୍ୟର ଦୂରତା ୧୫କୋଟି କିଲୋମିଟର। ମିଶନ ଆରମ୍ଭ ହେବା ପରେ ନିର୍ଦ୍ଦିଷ୍ଟ ସ୍ଥାନରେ ପହଞ୍ଚିବାକୁ ପ୍ରାୟ ଚାରି ମାସ ସମୟ ଲାଗିବ। ଏହା ଲାଗ୍ରେଞ୍ଜ ପଏଣ୍ଟରେ ରହି ୫ବର୍ଷ ଯାଏଁ ସୂର୍ଯ୍ୟ ବିଷୟରେ ଅଧ୍ୟୟନ କରିବ। ତେବେ ସୂର୍ଯ୍ୟଙ୍କ ସହ ଜଡିତ କିଛି ଗୁରୁତ୍ୱପୂର୍ଣ୍ଣ ତଥ୍ୟ ବିଷୟରେ ଆସନ୍ତୁ ଜାଣିବା।
ପୃଥିବୀଠାରୁ ସୂର୍ଯ୍ୟର ଦୂରତା ଚନ୍ଦ୍ରଠାରୁ ଚାରି ଗୁଣ ଅଧିକ। ସୂର୍ଯ୍ୟର ଆକାର ପୃଥିବୀ ଠାରୁ କେଇ ଲକ୍ଷ ଗୁଣ ବଡ଼। ବୈଜ୍ଞାନିକଙ୍କ ଅନୁଯାୟୀ ସୂର୍ଯ୍ୟର ବ୍ୟାସ ପୃଥିବୀ ତୁଳନାରେ ପ୍ରାୟ ୧୦୯ଗୁଣ ଅଧିକ। ଯଦି ସରଳ ଶବ୍ଦରେ ବୁଝାଯାଏ ତେବେ ୧୩ ଲକ୍ଷରୁ ଅଧିକ ପୃଥିବୀ ସୂର୍ଯ୍ୟରେ ନିଶ୍ଚିହ୍ନ ହୋଇଯାଇପାରେ। ସୂର୍ଯ୍ୟଙ୍କ ତାପମାତ୍ରା ଏତେ ଅଧିକ ଯେ ପୃଥିବୀରୁ ପଠାଯାଇଥିବା କୌଣସି ଜିନିଷ ଏହାର ପୃଷ୍ଠରେ ଲ୍ୟାଣ୍ଡିଂ ହେବା କିମ୍ବା ଲକ୍ଷ ଲକ୍ଷ କିଲୋମିଟର ପୂର୍ବରୁ ହିଁ ତରଳି ଯିବ। ସେଥିପାଇଁ ଆଦିତ୍ୟ ଏଲ୧ କେବଳ ପୃଥିବୀ ଏବଂ ସୂର୍ଯ୍ୟ ମଧ୍ୟରେ ଲାଗ୍ରେଞ୍ଜ ପଏଣ୍ଟରେ ରହି ଅଧ୍ୟୟନ ଜାରି ରଖିବ।
ଆମେ ପିଲାଟି ବେଳରୁ ପାଠ୍ୟପୁସ୍ତକରେ ପଢି ଆସିଛୁ ଯେ, ସୂର୍ଯ୍ୟଙ୍କୁ ଏକ ଜ୍ୱଳନ୍ତ ବଲ କୁହାଯାଏ। ଏହାର ତାପମାତ୍ରା ୫୫୦୦ ଡିଗ୍ରୀ ସେଲସିୟସ। ସୂର୍ଯ୍ୟଙ୍କ ଉପରେ କ୍ରମାଗତ ଭାବେ ନ୍ୟକ୍ଲିୟର ରିଆକ୍ସନ ଯୋଗୁ ଏହାର ତାପମାତ୍ରା ୧.୫ କୋଟି ସେଲସିୟସକୁ ମଧ୍ୟ ଛୁଇଁ ଯାଇଥାଏ। ନାସାର ବୈଜ୍ଞାନିକ କହିଛନ୍ତି ଯେ, ଏହାର ତାପମାତ୍ରା ୧୦୦ ବିଲିୟନ ଟନ ଡାଇନାମାଇଟ ବିସ୍ଫୋରଣରେ ସୃଷ୍ଟି ହୋଇଥିବା ଉତ୍ତାପ ସହିତ ସମାନ। ସୂର୍ଯ୍ୟରେ ଏତେ ପରମାଣୁ ଇନ୍ଧନ ଅଛି ଯେ ଏହା ଆଗାମୀ ୫୦ ଲକ୍ଷ ବର୍ଷ ଯାଏଁ ଜଳିପାରିବ। ଯେତେବେଳେ ସୂର୍ଯ୍ୟର ନିଶିହ୍ନ ହେବାର ସମୟ ଆସିଯିବ ପ୍ରଥମେ ସେ ଏକ ଲାଲ ବଲରେ ପରିଣତ ହେବେ। ପରିଶେଷରେ ଏହାର ବାହ୍ୟ ପୃଷ୍ଠଟି ନଷ୍ଟ ହୋଇଯିବ। ତା’ପରେ ଏହାର କୋର ପୃଷ୍ଠଟି ଧଳା ପଢିଯିବ। ଧୀରେ ଧୀରେ ଏହି କୋର ମଧ୍ୟ ମନ୍ଥର ହେବାକୁ ଆରମ୍ଭ କରିବ। ଏହା ପରେ ସୂର୍ଯ୍ୟ ଶୀତଳ ହୋଇଯିବ।
ବୈଜ୍ଞାନିକଙ୍କନୁସାରେ ସୂର୍ଯ୍ୟ ପ୍ରାୟ ୪.୬ ବିଲିୟନ ବର୍ଷ ପୂର୍ବେ ଜନ୍ମ ହୋଇଥିଲା। କୁହାଯାଏ କି, ସୂର୍ଯ୍ୟ ଓ ସୂର୍ଯ୍ୟ ମଣ୍ଡଳ ଗ୍ୟାସ ଏବଂ ଧୂଳିରେ ନିର୍ମିିତ। ଏହାକୁ ସୋଲାର ନେବୁଲା କୁହାଯାଏ। ନ୍ୟାସନାଲ ଜିଓଗ୍ରାଫିକ ଦ୍ୱାରା ପ୍ରକାଶିତ ଏକ ରିପୋର୍ଟରେ ଅନୁଯାୟୀ, ପ୍ରାୟ ୪.୫ ବିଲିୟନ ବର୍ଷ ପୂର୍ବେ ହିଲିୟମ ଏବଂ ହାଇଡ୍ରୋଜେନରେ ର୍ନିମିତ ଏକ ମଲିକୁଲାର ମେଘରୁ ସୂର୍ଯ୍ୟର ସୃଷ୍ଟି ହୋଇଛି।
ବୈଜ୍ଞାନିକଙ୍କ ଅନୁଯାୟୀ ସୂର୍ଯ୍ୟର ଅନ୍ତ ହେବା ହେବା ପୂର୍ବରୁ ସେ ପ୍ରଥମେ ବହୁତ ଗରମ ଏବଂ ଉଜ୍ଜ୍ୱଳ ହୋଇଯିବେ। ସୂର୍ଯ୍ୟଙ୍କ ମୋଟ ବୟସ ପ୍ରାୟ ୧୦ ବିଲିୟନ ବର୍ଷ । ଏହି ଆଧାରରେ କୁହାଯାଇପାରେ ଯେ ସୂର୍ଯ୍ୟ ଜୀବନର ଅଧା ଅତିକ୍ରମ କରିସାରିଛି। ଅର୍ଥାତ୍ ଆଉ ପାଞ୍ଚ ବିଲିୟନ ବର୍ଷ ପରେ ସୂର୍ଯ୍ୟର ଅନ୍ତ ଘଟିବ। ୨୦୧୮ରେ ଏକ ଅନୁସନ୍ଧାନ ରିପୋର୍ଟରେ ମଞ୍ଚେଷ୍ଟର ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଏହି ତଥ୍ୟ ଦେଇଛନ୍ତି।
ସୂର୍ଯ୍ୟର ଉତ୍ପତ୍ତି ପ୍ରାୟ ୪.୬୦ ବିଲିୟନ ବର୍ଷ ପୂର୍ବେ ହୋଇଛି। ପୃଥିବୀରେ ଜୀବଜଗତର ଉତ୍ପତ୍ତି କେବଳ ସୂର୍ଯ୍ୟ ହେତୁ ସମ୍ଭବ ହୋଇପାରିଛି। ବର୍ତ୍ତମାନ ସୁଦ୍ଧା କେବଳ ସୂର୍ଯ୍ୟ ହେତୁ ପୃଥିବୀରେ ଜୀବନ ଅଛି। ମୌସୁମୀ ଦ୍ୱାରା ଜଳବାୟୁ ଏବଂ ସମୁଦ୍ର ପ୍ରବାହ ମଧ୍ୟ ର୍ନିଣ୍ଣୟ କରାଯାଏ। ସୂର୍ଯ୍ୟକିରଣ ଥିବା ଉଦ୍ଭିଦଗୁଡ଼ିକରେ ଫଟୋସନ୍ଥେସିସ ପ୍ରକ୍ରିୟା ହୁଏ। ଯଦି ସୂର୍ଯ୍ୟର ଅନ୍ତ ହୋଇଯିବ ତେବେ ପୃଥିବୀରେ ଜୀବନ ସମ୍ଭବ ହେବ ନାହିଁ। ଅନୁସନ୍ଧାନକାରୀଙ୍କ ଅନୁଯାୟୀ, ସୂର୍ଯ୍ୟ ଶେଷ ହେବା ପୂର୍ବରୁ ପୃଥିବୀରେ ମଣିଷ, ପ୍ରାଣୀ ଏବଂ ଉଦ୍ଭିଦ ବିଲୁପ୍ତ ହୋଇଯିବେ।
