ଲକ୍ଷ୍ନୌ,୩୧।୭: କେନ୍ଦ୍ରମନ୍ତ୍ରୀ ତଥା ଉତ୍ତରପ୍ରଦେଶର ମୋହନଲାଲଗଞ୍ଜ ଭାଜପା ଏମ୍ପି କୌଶଲ କିଶୋରଙ୍କ ଏକ କାର୍ଯ୍ୟକ୍ରମରେ ୧୨ଥର ବିଦ୍ୟୁତ କାଟ କରିଛନ୍ତି। ବାରମ୍ବାର ବିଦ୍ୟୁତ କାଟ ସାମ୍ନାକୁ ଆସିବା ପରେ ସମାଜବାଦୀ ପାର୍ଟି(ଏସପି)ଯୋଗୀ ସରକାରଙ୍କୁ ଟାର୍ଗେଟ୍ କରିଛି।
ଲକ୍ଷ୍ନୌର ସହାକାରିତା ଭବନ ଅଡିଟୋରିୟମରେ ମନ୍ତ୍ରୀ କୌଶଲ କିଶୋରଙ୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ତାଙ୍କ ଭାଷଣ ପ୍ରାୟ ୪୦ ମିନିଟ ପର୍ଯ୍ୟନ୍ତ ଚାଲିଥିଲା, ଏହି ସମଗ୍ର ଭାଷଣରେ ବିଦ୍ୟୁତ ପ୍ରାୟ ୧୨ ଥର ବନ୍ଦ ହୋଇଯାଇଥିଲା। ବାରମ୍ବାର ବିଦ୍ୟୁତ କାଟ ଯୋଗୁ କେନ୍ଦ୍ର ମନ୍ତ୍ରୀ ରାଗିଯାଇଥିଲେ। ଭାଷଣ ସମୟରେ ସେ ଅସନ୍ତୋଷ ବ୍ୟକ୍ତ କରିଥିଲେ। ଏହି ଘଟଣାରେ ସମାଜବାଦୀ ପାର୍ଟିର ପ୍ରତିକ୍ରିୟା ମଧ୍ୟ ଆସିଛି। ଏସପି ଟୁଇଟ ପକ୍ଷରୁ ଟୁଇଟ୍ ଯୋଗେ କୁହାଯାଇଛି ଯେ, ମନ୍ତ୍ରୀଙ୍କ କାର୍ଯ୍ୟକ୍ରମରେ ବିଦ୍ୟୁତ କାଟ୍ ଯୋଗୀ ସରକାରଙ୍କ ବିଫଳତା ପ୍ରକାଶ କରିଛି। ସମଗ୍ର ରାଜ୍ୟ ଅଘୋଷିତ ବିଦ୍ୟୁତ କାଟ୍ର ସାମ୍ନା କରୁଛି। ରାଜଧାନୀରେ ମଧ୍ୟ ୨୪ ଘଣ୍ଟା ବିଦ୍ୟୁତ ଯୋଗାଇବାରେ ମୁଖ୍ୟମନ୍ତ୍ରୀ ବିଫଳ ହୋଇଛନ୍ତି।
