ନୂଆଦିଲ୍ଲୀ,୧।୩: ଛୁଟି କେବଳ ଛୁଟି ନୁହେଁ। ଏହା ଏକ ଇମୋଶନ। ତାହା ଖାଲି ସ୍କୁଲ ଛାତ୍ରୀଛାତ୍ରଙ୍କ ପାଇଁ ନୁହେଁ, ସରକାରୀ-ବେସରକାରୀ ଠାରୁ ଆରମ୍ଭ କରି ଛୁଟି ସମସ୍ତଙ୍କୁ ବହୁତ ଭଲ ଲାଗିଥାଏ। ଛାତ୍ରଙ୍କ ଠାରୁ ଆରମ୍ଭ କରି କର୍ମଚାରୀ ଯାଏଁ ଛୁଟି ସମ୍ପର୍କରେ ଜାଣିବାକୁ ମାସେ ପୂର୍ବରୁ କ୍ୟାଲେଣ୍ଡର ଚେକ୍ କରି ନିଅନ୍ତି। କେଉଁଦିନ କେଉଁ ଛୁଟି ପଡୁଛି ଦେଖିଲେ ସେ ଅନୁସାରେ ବୁଲିବା କିମ୍ବା କୌଣସି ଭୋଜିଭାତର ପ୍ଲାନିଂ ଆରମ୍ଭ ହୋଇଯାଏ। ତେବେ ଆପଣ ସମସ୍ତଙ୍କ ପାଇଁ ଏକ ବଡ ଖୁସି ଖବର। ଚଳିତ ମାସ ଅର୍ଥାତ୍ ମାର୍ଚ୍ଚରେ ଗୋଟିଏ କି ଦୁଇ ଦିନ ନୁହେଁ ୧୧ଦିନ ଛୁଟି ଅଛି।
ଫେବୃଆରୀରେ କେବଳ ରବିବାର, ମାସର ସ୍ବିତୀୟ ଓ ଶେଷ ଶନିବାର ସହ ସରସ୍ବତୀ ପୂଜା ଛୁଟି ଥିଲା। କିନ୍ତୁ ମାର୍ଚ୍ଚ ମାସରେ ୧୧ଟି ଛୁଟି ଅଛି। ଆପଣ ଯଦି ସେହିପରି କିଛି ଛୁଟି ଉପଭୋଗ ପାଇଁ ପ୍ଲାନିଂ କରିଛନ୍ତି ତେବେ ରେଡି ହୋଇଯାଆନ୍ତୁ। କାରଣ ଏଥର ହେବ ମଜା ହିଁ ମଜା।
ମାର୍ଚ୍ଚ ୩ରେ ମାସର ପ୍ରଥମ ରବିବାର ତେଣୁ ସମସ୍ତଙ୍କୁ ଛୁଟି ମିଳିବ । ଏହାପରେ ମହାଶିବରାତ୍ରୀ ଅବସରରେ ସ୍କୁଲ କଲେଜ ଛୁଟି ରହିବ । ମହାଶିବରାତ୍ରୀ ଅବସରରେ ମାର୍ଚ୍ଚ ୮ରେ ସ୍କୁଲ-କଲେଜ ବନ୍ଦ ରହିବ। କିନ୍ତୁ ପରଦିନ ଦ୍ୱିତୀୟ ଶନିବାର ପଡୁଥିବାରୁ ସେହି ଦିନଟି ବ୍ୟାଙ୍କର ଛୁଟିଦିନ ହେବ । ମାର୍ଚ୍ଚ ୧୦ ରବିବାର ପଡ଼ୁଥିବାରୁ କର୍ମଚାରୀଙ୍କୁ ମଧ୍ୟ ଏକାସାଙ୍ଗରେ ତିନି ଦିନ ଛୁଟି ମିଳିବ । ସେହିଭଳି ମାର୍ଚ୍ଚ ୧୭ ଓ ୨୪ ରବିବାର ପଡ଼ୁଛି । ମାର୍ଚ୍ଚ ୨୪ ଓ ୨୫ରେ ହୋଲିପର୍ବ ପାଳନ ହେବ । ପ୍ରଥମ ଦିନ ଦୋଳ ପୂର୍ଣ୍ଣିିମାକୁ ଦ୍ୱିତୀୟ ଦିନ ହୋଲି। ତେଣୁ ଏହି ଦିନ ସାରା ଦେଶରେ ସ୍କୁଲ ଓ ଅନ୍ୟାନ ଅନୁଷ୍ଠାନ ଛୁଟି ରହିବ । ଏହାର ଅର୍ଥ ଲଗାତାର ଦୁଇ ଦିନ ଛୁଟି ମାନେ ପୁରା ଡବଲ ମଜା। ମାର୍ଚ୍ଚ ୨୯ରେ ଗୁଡ ଫ୍ରାଇ ଡେ’ ପାଇଁ ସ୍କୁଲ ବନ୍ଦ ରହିବ । ମାର୍ଚ୍ଚ ୩୧ ରବିବାର ପଡିବ। ଏଭଳି ଭାବରେ ମାର୍ଚ୍ଚରେ ୧୧ ଦିନ ଛୁଟି ରହିବ ।
