ଛତିଶଗଡ଼,୧୧ା୯: ଛତିଶଗଡ଼ର ଗରିୟାବନ୍ଦ ଜିଲାରେ ଏକ ବଡ଼ ଅପରେସନରେ ସୁରକ୍ଷା ବାହିନୀ ୧୦ ଜଣ ନକ୍ସଲ ସମେତ ବରିଷ୍ଠ ନେତା ମନୋଜ ଓରଫ ମୋଡେମ ବାଲକ୍ରିଷ୍ଣଙ୍କୁ ନିହତ କରିଛି। ମନୋଜଙ୍କ ମୁଣ୍ଡରେ ୧ କୋଟି ଟଙ୍କାର ପୁରସ୍କାର ଥିଲା।
ମୈନପୁର ଜଙ୍ଗଲ ଅଞ୍ଚଳରେ ନକ୍ସଲ ଉପସ୍ଥିତିର ଗୁଇନ୍ଦା ସୂଚନା ଆଧାରରେ ଇ-୩୦, ଏସଟିଏଫ ଓ ସିଆରପିଏଫର କୋବ୍ରା କମାଣ୍ଡୋଙ୍କ ମିଳିତ ଦଳ ବରିଷ୍ଠ ଅଧିକାରୀଙ୍କ ନିର୍ଦେଶରେ ଏହି ଅପରେସନ ଆରମ୍ଭ କରିଥିଲା। ସକାଳୁ ନକ୍ସଲ ଓ ସୁରକ୍ଷା ବାହିନୀ ମଧ୍ୟରେ ବିଚ୍ଛିନ୍ନ ଗୁଳି ବିନିମୟ ଜାରି ରହିଛି। ପ୍ରାରମ୍ଭିକ ରିପୋର୍ଟ ଅନୁସାରେ, ଏହି ଗୁଳିବିନିମୟରେ ଅନେକ ବରିଷ୍ଠ ନକ୍ସଲ ନିହତ ହୋଇଥିବା ସୂଚନା ମିଳିଛି।
ଅଧିକାରୀମାନେ ନିଶ୍ଚିତ କରିଛନ୍ତି, “ଗରିୟାବନ୍ଦ ଜିଲାରେ ୧୦ ନକ୍ସଲ, ସମେତ ସିସି ସଦସ୍ୟ ମନୋଜ ଓରଫ ମୋଡେମ ବାଲକ୍ରିଷ୍ଣ ନିହତ ହୋଇଛନ୍ତି।” ଅପରେସନ ଶେଷ ହେବା ପରେ ଗ୍ରାଉଣ୍ଡ ଯାଞ୍ଚ ସମ୍ପୂର୍ଣ୍ଣ ହେଲେ ବିସ୍ତୃତ ସୂଚନା ଜାରି କରାଯିବ। ଏହି ଅପରେସନ ଗରିୟାବନ୍ଦରେ ଚାଲିଥିବା ନକ୍ସଲ ନିର୍ମୂଳନ ଅଭିଯାନର ଏକ ଅଂଶ।
