ଯୋଡ଼ା, ୨।୩(ଡି.ଏନ.ଏ.)-କେନ୍ଦୁଝର ଜିଲା ଯୋଡା ବ୍ଲକ ଅନ୍ତର୍ଗତ ଦେଓଝର ପଞ୍ଚାୟତବାସୀ ୭ ଦଫା ଦାବି କରି ସୋମବାର ଶାରଦା ଖଣି ଓ ଜିନ୍ଦଲ କାରଖାନାକୁ ଘେରିଛନ୍ତି। ସୋମବାର ପୂର୍ବାହ୍ନ ସାଢ଼େ ୧୧ଟାରେ ପଞ୍ଚାୟତର ପ୍ରାୟ ୭୦୦ରୁ ଊର୍ଦ୍ଧ୍ୱ ମହିଳାପୁରୁଷ ଏକ ଶୋଭାଯାତ୍ରାରେ ବାହାରି ଉଭୟ ଖଣି କର୍ତ୍ତୃପକ୍ଷଙ୍କୁ ବିଭିନ୍ନ ଦାବି କରି ଦସ୍ତଖତ ସମ୍ବଳିତ ଏକ ଦାବିପତ୍ର ପ୍ରଦାନ କରିଥିଲେ। ଏକ ବିରାଟ ପଟୁଆରରେ ଆଦିବାସୀମାନେ ପରମ୍ପାରିକ ଅସ୍ତ୍ରଶସ୍ତ୍ର ଧରି ଖଣି ଓ କାରଖାନା କାର୍ଯ୍ୟାଳୟକୁ ଯାଇଥିଲେ। ଅତୀତରେ ଖଣି ଏବଂ ଶିଳ୍ପ ଆରମ୍ଭ ହେବା ବେଳକୁ ଅଞ୍ଚଳବାସୀଙ୍କୁ ନିଯୁକ୍ତି, ପରିବହନ, ଅଞ୍ଚଳର ପାରିପାର୍ଶ୍ୱିକ ଉନ୍ନତି ପାଇଁ ଦିଆଯାଇଥିବା ପ୍ରତିଶ୍ରୁତିକୁ ଖିଲାପ କରିଥିବାରୁ ଅଞ୍ଚଳବାସୀ ବାରମ୍ବାର ଖଣି ଓ ଶିଳ୍ପ କାରଖାନାର କର୍ତ୍ତୃପକ୍ଷଙ୍କୁ ଲିଖିତ ଭାବେ ଜଣାଇଥିଲେ ା ମାତ୍ର ଖଣି ଓ କାରଖାନା କର୍ତ୍ତୃପକ୍ଷ ଏଦିଗରେ ଦୃଷ୍ଟି ଦେଉ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ସେମାନେ କରିଥିବା ବିଭିନ୍ନ ଦାବି ଗୁଡିକର ଯଥାଶୀଘ୍ର ସମାଧାନ କରା ନ ଗଲେ ଆଗାମୀ ଦିନରେ ଧାରଣା ଓ ଆନ୍ଦୋଳନ କରାଯିବାର ନିଷ୍ପତ୍ତି ନିଆଯାଇଥିବା ପୂର୍ବତନ ଯୋଡା ବ୍ଲକ ଅଧ୍ୟକ୍ଷ ସୁବାଷ ନାଏକ, ପୂର୍ବତନ ଯୋଡା ବ୍ଲକ ଉପାଧ୍ୟକ୍ଷ ଯୋଗେନ୍ଦ୍ର କୁମାର ବେହେରା କହିଛନ୍ତି। ଏହି ରାଲିରେ ଗ୍ରାମର ଗୁରୁଚରଣ ମହାନ୍ତ, ଶିବ ଚରଣ ମହାନ୍ତ, ବିର୍ସି ମୁଣ୍ଡା, ଅଶାଢୁ ନାଏକ, ରତ୍ନା ଦାମୁ, ଲକ୍ଷ୍ମଣ ବାରିକ ପ୍ରମୁଖଙ୍କ ସହିତ ବହୁ ଗ୍ରାମବାସୀ ଉପସ୍ଥିତ ଥିଲେ ା
