ରେମୁଣା,୨୪।୭(ଡି.ଏନ.ଏ.)-ଖନ୍ତାପଡ଼ା ଥାନା ବରପଦା ଗାଁରୁ ଏକ କାର୍(ନଂ. ଓଡ଼ି୩୧-୭୦୭୦)ରେ ଥିବା ୭ ପେଟି ଗଞ୍ଜେଇ (ଆନୁମାନିକ ଓଜନ ୫୦କେଜି)କୁ ମଙ୍ଗଳବାର ରାତି ପ୍ରାୟ ସାଢେ ୮ଟା ବେଳେ ପୋଲିସ ଜବତ କରିଛି। ଏଥିରେ ଥିବା ଡ୍ରାଇଭରଙ୍କୁ ଗିରଫ କରାଯାଇଛି।
କାର୍ ଯୋଗେ ଭୁବନେଶ୍ୱରରୁ ବାଲେଶ୍ୱର ଯାଉଥିବା ଗଞ୍ଜେଇ ଭର୍ତ୍ତି ଗାଡ଼ି ଶେରଗଡ଼ସ୍ଥିତ ଟୋଲଗେଟ୍ ପାର ହେବା ପରେ ବରପଦା ଗାଁକୁ ପ୍ରବେଶ କରିଥିଲା। ଉକ୍ତ ଗାଡ଼ିରେ ଡ୍ରାଇଭର ସମେତ ଜଣେ ମହିଳା ଥିବାରୁ ଗାଁ ଲୋକେ ସନ୍ଦେହ କରିଥିଲେ। ଲୋକମାନେ କାର୍ ନିକଟକୁ ଯାଇ କିଛି ବୁଝିବା ପୂର୍ବରୁ ଗାଡ଼ିଟି ଜୋର୍ରେ ଆଗକୁ ପଳାଇ ଯାଇଥିଲା। ଅଧିକ ସନ୍ଦେହ ବଢ଼ିବାରୁ ଗାଁ ଲୋକେ ଏକାଠି ହୋଇ ଗାଡ଼ିକୁ ଅଟକାଇବା ସହ ଡ୍ରାଇଭରଙ୍କୁ କାବୁ କରିଥିଲେ। ଲୋକେ ଗାଡ଼ିରେ ଗଞ୍ଜେଇ ପେଟି ଥିବାର ଜାଣିବାକୁ ପାଇ ପୋଲିସକୁ ଖବର ଦେଇଥିଲେ। ଖନ୍ତାପଡ଼ା ଥାନା ଓ ଶେରଗଡ଼ ଫାଣ୍ଡି ପୋଲିସ ପହଞ୍ଚତ୍ବା ପୂର୍ବରୁ ଚଞ୍ଚକତାର ସହ ମହିଳା ଜଣକ ସେଠାରୁ ଫେରାର ହୋଇଯାଇଥିଲେ। ଆଇଆଇସି ଶ୍ରୀବଲ୍ଲଭ ସାହୁ, ଶେରଗଡ଼ ଫାଣ୍ଡି ଅଧିକାରୀ ଅଭିମନ୍ୟୁ ଦାସ, କନଷ୍ଟେବଳ ରଞ୍ଜନ ମହାନ୍ତି, ସୁମନ୍ତ ବେହେରା ପ୍ରମୁଖ ପହଞ୍ଚତ୍ ଉକ୍ତ କାର୍ ସହ ଗଞ୍ଜେଇକୁ ଜବତ କରିବା ସହ ଡ୍ରାଇଭରଙ୍କୁ ଥାନାକୁ ଆଣିଛନ୍ତି।
