ବୁଗୁଡ଼ା,୧୦ା୧୧(ଡି.ଏନ.ଏ.)- ବୁଗୁଡ଼ା ବନାଞ୍ଚଳ ଠଣାପଲ୍ଲୀ-ଗୋଳାବନ୍ଧ ରାସ୍ତାରେ ଶନିବାର ରାତ୍ର ପ୍ରାୟ ୧୦ଟାରେ ବୁଗୁଡ଼ା ବନ ବିଭାଗ ଦ୍ୱାରା ଚଢାଉ କରାଯାଇ ୧୨ ବସ୍ତା (୪ କୁଇଣ୍ଟାଲ) ମାଧବୀ ଚେର ସହ ଏକ ପିକ୍ଅପ୍ ଗାଡି ନଂ.(ଓଡି୦୭କେ-୩୧୫୫) ଜବତ କରାଯାଇଛି। ଗାଡ଼ି ଚାଳକ ତଥା ମାଲିକଙ୍କୁ ମଧ୍ୟ ଗିରଫ କରାଯାଇଛି। ସେ ହେଲେ ବ୍ରହ୍ମପୁର ସହର ଗଣେଶ ନଗରର ଶିଶିର ପ୍ରଧାନ। ଏନେଇ ବୁଗୁଡ଼ା ବନ ବିଭାଗରେ ନଂ.୧୫୬/୧୯-୨୦ରେ ଏକ ମାମଲା ରୁଜୁ ହୋଇଛି। ରବିବାର ଶିଶିରଙ୍କୁ କୋର୍ଟଚାଲାଣ କରାଯାଇଥିବା ବନାଞ୍ଚଳ ଅଧିକାରୀ ଫକୀର ଚରଣ ବେହେରା ସୂଚନା ଦେଇଛନ୍ତି। ବନାଞ୍ଚଳ ଅଧିକାରୀ ବେହେରାଙ୍କ ନେତୃତ୍ୱରେ ବନ କର୍ମଚାରୀମାନେ ଶନିବାର ରାତିରେ ନାଗିରି, ଠଣାପଲ୍ଲୀ ଜଙ୍ଗଲରେ ପେଟ୍ରୋଲିଂ କରୁଥିବା ମାଧବୀ ଚେର ଚୋରା ଚାଲାଣ ହେଉଥିବା ଖବର ପାଇଥିଲେ। ଠଣାପଲ୍ଲୀ-ଗୋଳାବନ୍ଧ ରାସ୍ତାରେ ଗାଡ଼ିକୁ ପିଛା କରି ଧରିଥିଲେ।
