ଲଣ୍ଡନ,୩।୩: କେତେକ ଲୋକଙ୍କର ଚିଠି ଲେଖିବା ନିଶା ପାଲଟିଥାଏ। ଏଭଳି ଜଣେ ଲୋକ ଇଂଲଣ୍ଡର ଲଣ୍ଡନରେ ରହିଛନ୍ତି। ୭୦ ବର୍ଷ ବୟସ୍କ ଏହି ବ୍ୟକ୍ତି ଜଣକ ଗତ ୪୨ ବର୍ଷ ଧରି ଖବର କାଗଜ ସମ୍ପାଦକଙ୍କ ପାଖକୁ ଅଭିଯୋଗ ପତ୍ର ଲେଖିବା ଜାରି ରଖିଛନ୍ତି। ସ୍ଥାନୀୟ ଲିବରପୁଲ୍ରେ ବାସ କରୁଥିବା ୭୦ ବର୍ଷ ବୟସ୍କ ବର୍ନି କୈରୋଲ ଏଭଳି କରି ଏବେ ସୋସିଆଲ୍ ମିଡ଼ିଆରେ ଚର୍ଚ୍ଚାରେ ରହିଛନ୍ତି। ସେ ପ୍ରଥମ ଥର ୧୯୭୮ରେ ଏଭଳି ଅଭିଯୋଗ ପତ୍ର ଲେଖିବା ଆରମ୍ଭ କରିଥିଲେ। ଇତିମଧ୍ୟରେ ବର୍ନି ୧୫୦୦୦ରୁ ଅଧିକ ଅଭିଯୋଗ ପତ୍ର ବିଭିନ୍ନ ଖବର କାଗଜ ସମ୍ପାଦକଙ୍କ ନିକଟକୁ ଲେଖିଛନ୍ତି। ସେ ପ୍ରାୟ ୨୫୦ ଶବ୍ଦ ମଧ୍ୟରେ ଏଭଳି ଅଭିଯୋଗ ପତ୍ର ଲେଖିଥାନ୍ତି। ପ୍ରତି ସପ୍ତାହରେ ୩-୪ ଖବର କାଗଜ ତାଙ୍କର ଅଭିଯୋଗକୁ ପ୍ରକାଶିତ କରିଥାନ୍ତି। ପାର୍କରେ ବୃଦ୍ଧି ପାଉଥିବା ଅଳିଆ ଆବର୍ଜନା ସମ୍ପର୍କରେ ତାଙ୍କର ଏକ ଅଭିଯୋଗ ନିକଟରେ ପ୍ରକାଶିତ ହୋଇଛି।
