କେନ୍ଦୁଝର,୨୨ା୫(ଡି.ଏନ୍.ଏ.)-କେନ୍ଦୁଝର ସହର ମଧ୍ୟ ଦେଇ ଚାଲି ଚାଲି ଯାଉଥିବା ୨୦ ପ୍ରବାସୀଙ୍କୁ ପୋଲିସ ସ୍ବତନ୍ତ୍ର ଗାଡ଼ି ଯୋଗେ ସେମାନଙ୍କ ଘରକୁ ପଠାଇବାର ବ୍ୟବସ୍ଥା କରିଛି। ମୁମ୍ବାଇରେ କରୋନା ସଂକ୍ରମଣ ବୃଦ୍ଧି ପାଇ ଚାଲି ଥିବାରୁ ଏବଂ ଲକ୍ଡାଉନ୍ରେ ଦୋକାନ, ବଜାର ବନ୍ଦ ଥିବାରୁ କାମ ଧନ୍ଦା ହରାଇ ଏହି ପ୍ରବାସୀ ଶ୍ରମିକମାନେ ଘର ମୁହଁା ହୋଇ ପ୍ରଥମେ ଏକ ଟ୍ରକ୍ ଏବଂ ପରେ ଚାଲି ଚାଲି କେନ୍ଦୁଝର ଦେଇ ଯାଉଥିଲେ। ସଦର ଏସ୍ଡିପିଓ ପ୍ରକାଶ ଜେମ୍ସ ଟପୋଙ୍କ ନିର୍ଦ୍ଦେଶ କ୍ରମେ ଟାଉନ ପୋଲିସ ଏଏସ୍ଆଇ ସୁଶାନ୍ତ ସେଠୀ ଏହି ପ୍ରବାସୀଙ୍କୁ କେନ୍ଦୁଝରରେ ରଖି ସେମାନଙ୍କ ଖାଇବା ପିଇବା ବ୍ୟବସ୍ଥା କରିଥିଲେ। ପରେ ସ୍ବତନ୍ତ୍ର ଗାଡ଼ିରେ ୧୦ଜଣଙ୍କୁ କୋଲକାତା ଏବଂ ଅନ୍ୟ ୧୦ଜଣଙ୍କୁ ବାଲେଶ୍ୱର, ଭଦ୍ରକ, ମୟୂରଭଞ୍ଜ ଓ କେନ୍ଦ୍ରାପଡା ଜିଲାକୁ ପଠାଇଥିଲେ। ପ୍ରତ୍ୟେକ ଦିନ କେନ୍ଦୁଝର ସହର ମଧ୍ୟରେ ଚାଲି ଚାଲି ଯାଉଥିବା ପ୍ରବାସୀ ଶ୍ରମିକମାନେ ନିଜ ଅଞ୍ଚଳକୁ ଯିବା ପାଇଁ ପୋଲିସ ପକ୍ଷରୁ ଗାଡ଼ି ବ୍ୟବସ୍ଥା କରାଯାଇ ପଠାଯାଉଥିବାବେଳେ ପ୍ରବାସୀମାନେ ଯେପରି ଚାଲି ଚାଲି ନ ଯିବେ ସେଥିପାଇଁ ପଦକ୍ଷେପ ନିଆଯାଉଥିବା ସଦର ଏସ୍ଡିପିଓ ପ୍ରକାଶ କରିଛନ୍ତି।
