ଅନୁଗୋଳ ଅଫିସ, ୯।୧୨ – ସାମାଜିକ ଓ ସାଂସ୍କୃତିକ ଅନୁଷ୍ଠାନ ଡ୍ରିମ୍ ଫାଉଣ୍ଡେଶନ ଆନୁକୂଲ୍ୟରେ ଅନୁଗୋଳର ବିଜୁ ମଇଦାନ ଠାରେ ୨ୟ ରୁଚି ଅନୁଗୋଳ ଉତ୍କର୍ଷ ସମ୍ମାନ-୨୦୧୯ ରବିବାର ଅନୁଷ୍ଠିତ ହୋଇଯାଇଛି। ଏହି ପ୍ରତିଭା ପୂଜନ ସମାରୋହରେ ଅନୁଗୋଳ, ଢେଙ୍କାନାଳ ଓ କେନ୍ଦୁଝର ଜିଲାର ୮ ଜଣ ଶ୍ରେଷ୍ଠ ପ୍ରତିଭାଙ୍କୁ ସମ୍ବର୍ଦ୍ଧିତ କରାଯାଇଛି।
ଉଦ୍ଘାଟନୀ ସନ୍ଧ୍ୟାର କାର୍ଯ୍ୟକ୍ରମକୁ ପୂର୍ବତନ ଏମ୍ପି ତଥା କବି ଡ. ପ୍ରସନ୍ନ କୁମାର ପାଟ୍ଟଶାଣୀ ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଢେଙ୍କାନାଳ ଏମ୍ପି ମହେଶ ସାହୁ, ଉତ୍ତରକେନ୍ଦ୍ରାଞ୍ଚଳ ଡିଆଇଜି ନରସିଂହ ଭୋଳ, ଅନୁଗୋଳ ଏସ୍ପି ଜଗମୋହନ ମୀନା, ନାଲ୍କୋର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ଏମ୍.ପି. ମିଶ୍ର, ପୂର୍ବତନ ପ୍ରଶାସକ ହେମନ୍ତ କୁମାର ଦାଶ, ମହାନଦୀ କୋଲଫିଲ୍ଡସ ଜଗନ୍ନାଥ ଅଞ୍ଚଳର ମହାପ୍ରବନ୍ଧକ ଏ.ଏମ୍. କର, ଶିକ୍ଷାବିତ୍ ଡ. ମନୋଜ କୁମାର ଦାଶ, ବାସୁଦେବ ଭଟ୍ଟ ଓ ବ୍ୟବସାୟୀ ମହେଶ କୁମାର ସାହୁ ପ୍ରମୁଖ ଉପସ୍ଥିତ ଥିଲେ। ଆଦିତ୍ୟବାହିନୀ ଗୋବର୍ଦ୍ଧନ ମଠ ପୁରୀର ମହାସଚିବ ତଥା ଅନୁଷ୍ଠାନର ମୁଖ୍ୟ ଉପଦେଷ୍ଟା ପଣ୍ଡିତ ମାତୃପ୍ରସାଦ ମିଶ୍ର ସ୍ବାଗତ ଭାଷଣ ପ୍ରଦାନ କରିଥିଲେ। ଏହି ଅବସରରେ ତାଳଚେର ବିଧାୟକ ବ୍ରଜକିଶୋର ପ୍ରଧାନ, ଲମ୍ବୋଦର ସାହୁ, ବିଶ୍ୱଜିତ୍ ପଟ୍ଟନାୟକ, ଦିବାକର ମହନ୍ତ, ଗୁରୁପ୍ରସାଦ ମିଶ୍ର, ମିସ୍ ରମ୍ଭା ସାହୁଙ୍କୁ ଶ୍ରେଷ୍ଠ କ୍ରୀଡ଼ାବିତ୍, ଏନ୍ଟିପିସିକୁ ଶ୍ରେଷ୍ଠ କର୍ପୋରେଟ ହାଉସ (କମ୍ପାନୀ ସାମାଜିକ ଦାୟିତ୍ୱବୋଧ) ସମ୍ମାନ, ରାବଣଛାୟା ନୃତ୍ୟକୁ ଶ୍ରେଷ୍ଠ କଳା ସମ୍ମାନରେ ସମ୍ମାନିତ କରାଯାଇଥିଲା। ଓଲିଉଡ଼ର ହାସ୍ୟ ଅଭିନେତା ପପୁ ପମ୍ପମ୍, ଅଭିନେତ୍ରୀ ତମନ୍ନା, ପ୍ରଚ୍ଛଦପଟ କଣ୍ଠଶିଳ୍ପୀ ଆଶୁତୋଷ ଓ ନୃତ୍ୟାନୁଷ୍ଠାନ ଆର.ଡି. ଏକ୍ସରର କଳାକାରମାନେ ଉପସ୍ଥିତ ଦର୍ଶକମାନଙ୍କ ମନୋରଞ୍ଜନ କରିଥିଲେ। ଉଲ୍ଲାସ ଚନ୍ଦ୍ର ବେହୁରା ଓ ଶେଫାଳୀ ଉଦ୍ଗାତା କାର୍ଯ୍ୟକ୍ରମ ପରିଚାଳନା କରିଥିଲେ। ସରୋଜ କୁମାର ପାଳ, ଶ୍ରୀକାନ୍ତ କୁମାର ଧର, ଆଦିତ୍ୟ ମହାପାତ୍ର, ରଶ୍ମିରଞ୍ଜନ ସାହୁ, ପଦ୍ମଚରଣ ପ୍ରଧାନ, ପୱନ ମାଣ୍ଡୋଠିଆ, ଉତ୍ତାନୁପାଦ ମହାପାତ୍ର, ସୌରୀ ରଞ୍ଜନ ପଣ୍ଡା, ତରୁଣ ବିଶ୍ୱକର୍ମା, ଜୟନ୍ତ କର, ସାଗର ସୌଭାଗ୍ୟ ପ୍ରଧାନ, ସିଦ୍ଧେଶ୍ୱର ପାଣି, ଆଗ୍ନେୟ ମହାପାତ୍ର, ଟିମୁ ବେହେରା ଓ ପ୍ରଦ୍ୟୁତ୍ ଘୋଷ ପ୍ରମୁଖ ପରିଚାଳନାରେ ସହଯୋଗ କରିଥିଲେ।
