ନୂଆଦିଲ୍ଲୀ,୨୨।୫: କୋଭିଡ୍-୧୯ ବିଶ୍ୱରେ କାୟାବିସ୍ତାର କରିଥିବା ବେଳେ ଏହାର ପ୍ରଭାବ ଜାରି ରହିଛି। ଏଥିଯୋଗୁ ସାରା ବିଶ୍ୱର ଆର୍ଥତ୍କ କାର୍ଯ୍ୟକଳାପ ଠପ୍ ହୋଇ ରହିଛି। ବିଶ୍ୱସ୍ତରୀୟ ସାମାଜିକ ଅନୁଷ୍ଠାନ ଅକ୍ସଫାମ୍ ଏହାଦ୍ୱାରା ବ୍ୟାପକ ସମସ୍ୟାର ସମ୍ମୁଖୀନ ହୋଇଛି । ଉକ୍ତ ଅନୁଷ୍ଠାନ ପ୍ରାୟ ୧୪୫୦ କର୍ମଚାରୀ ଛଟେଇ କରିଥିବା ବେଳେ ଏହାର ଅଂଶୀଦାର ସଂସ୍ଥାଗୁଡିକର ପ୍ରାୟ ୭ଶହରୁ ଊର୍ଦ୍ଧ୍ୱ କର୍ମଚାରୀ ପ୍ରଭାବିତ ହେବେ ବୋଲି ଜଣାପଡିଛି। ଏହାବାଦ ୧୮ଟି ଦେଶରୁ କାର୍ଯ୍ୟାଳୟ ବନ୍ଦ କରି ଦେଇଥିବା ବିଷୟରେ ଅକ୍ସଫାମ୍ ପକ୍ଷରୁ ସୂଚନା ଦିଆଯାଇଛି। ମୋଟ୍ ୬୬ଟି ଦେଶରେ ଏହା ସେବା ଯୋଗାଇ ଦେଇ ଆସୁଥିଲା। କୋଭିଡ୍-୧୯ ସଂକ୍ରମଣ ଜନିତ ସମସ୍ୟା ଯୋଗୁ ୧୮ଟି ଦେଶରୁ ଅନୁଷ୍ଟାନ ତା’ର ସେବା ବନ୍ଦ କରିବା ପାଇଁ ନିଷ୍ପତ୍ତି କରିଛି। ଫଳରେ ୪୮ଟି ଦେଶ ଓ ୨୦ଟି ବୃହତ୍ ସଂସ୍ଥା ସହ ଅନୁଷ୍ଟାନ ପୂର୍ବ ପରି ସେବା ଜାରି ରଖିବ। ଅକ୍ସଫାମ ପକ୍ଷରୁ ସୂଚନା କୁହାଯାଇଛି ଯେ, ଥାଇଲାଣ୍ଡ, ଆଫଗାନିସ୍ତାନ, ଶ୍ରୀଲଙ୍କା, ପାକିସ୍ତାନ, ହାଇଟି, ତାଜିକିସ୍ତାନ, କ୍ୟୁବା, ପେରୁଗୁଏ, ଇଜିପ୍ଟ, ତାଞ୍ଜିନିଆ, ବୁରାଣ୍ଡି, ର୍ବାଣ୍ଡା, ସିଏରାଲେଓନ , ଲାଇବେରିଆ,ମୟୁରଟାନିଆ,ଡୋମିନିକାନ ରିପବ୍ଲିକ, ସୁଦାନ ଆଦି ଦେଶରୁ ସେବା ବନ୍ଦ କରିବା ପାଇଁ ନିଷ୍ପତ୍ତି ହୋଇଛି। କରୋନା ମହାମାରୀ ସମୟରେ ଅନୁଷ୍ଟାନ ନାନା ସମସ୍ୟା ଦେଇ ଗତି କରୁଛି ା ଏହି ସଙ୍କଟ ଯୋଗୁ ସେବା ଯୋଗାଣରେ ସମସ୍ୟା ସହ ଅନେକ କଟକଣା ସାମ୍ନା କରିବାକୁ ପଡୁଛି। ଏହାକୁ ଧ୍ୟାନରେ ରଖି ଛଟେଇ ଓ କାର୍ଯ୍ୟାଳୟ ବନ୍ଦ ନିଷ୍ପତ୍ତି ନିଆଯାଇଥିବା ଅକ୍ସଫାମ୍ ଇଣ୍ଡରନ୍ୟାଶନାଲର କାର୍ଯ୍ୟନିର୍ବାହୀ ନିର୍ଦ୍ଦେଶକ ଚେମା ଭେରା କହିଛନ୍ତି ।
