ହ୍ରାସ ପାଉଛି ଚଳନ୍ତି ଜମା ନିଅଣ୍ଟ
8:15 amJune 30, 2019 / 21

ନୂଆଦିଲ୍ଲୀ,୩୦-୬: ଭାରତର ଚଳନ୍ତି ଜମା ନିଅଣ୍ଟ(ସିଏଡି) ପରିମାଣ ଆର୍ଥିକ ବର୍ଷ ୨୦୧୯ର ଚତୁର୍ଥ ତ୍ରୈମାସରେ ଜିଡିପିର ୦.୭% ଅର୍ଥାତ୍‌ ୪.୬ ବିଲିୟନ ଡଲାରକୁ ହ୍ରାସ ପାଇଛି। ଗତ ଆର୍ଥିକ ବର୍ଷର ସମାନ ଅବଧିରେ ଏହା ଜିଡିପିର ୧.୮% ଅର୍ଥାତ୍‌ ୧୩ ବିଲିୟନ ଡଲାର ଥିଲା। ୨୦୧୮ ଡିସେମ୍ବରରେ ଏହା ୧୭.୭ ବିଲିୟନ ଡଲାର(୨.୭%)କୁ ହିସାବକୁ ନେଲେ ସିଏଡି ବହୁ ପରିମାଣରେ ହ୍ରାସ ପାଇଛି ବୋଲି କୁହାଯାଇପାରେ। ବାଣିଜ୍ୟ ନିଅଣ୍ଟ ପରିମାଣ ୩୫.୨ ବିଲିୟନ ଡଲାରକୁ ହ୍ରାସ ପାଇବା କାରଣରୁ ସିଏଡି କମିଛି ବୋଲି କୁହାଯାଉଛି। ପୂର୍ବ ବର୍ଷ ଏହା ୪୧.୬ ବିଲିୟନ ଡଲାର ଥିଲା। ଦେଶ ରପ୍ତାନି ଅପେକ୍ଷା ଆମଦାନୀ ଅଧିକ କଲେ ହିଁ ଚଳନ୍ତି ଜମା ନିଅଣ୍ଟ ଦେଖାଦେଇଥାଏ। ଏହି ଅବଧିରେ ୩୨ ବିଲିୟନ ଡଲାର ସୁନା, ପେଟ୍ରୋଲିୟମ ପଦାର୍ଥ ଆମଦାନୀ ୯୪ ବିଲିୟନ ଡଲାର ହୋଇଥିଲା ବୋଲି ସରକାରୀ ତଥ୍ୟରୁ ଜଣାପଡିଛି।