ହିରୋ ପକ୍ଷରୁ ସ୍ବତନ୍ତ୍ର ରିଲିଫ କାର୍ଯ୍ୟକ୍ରମ
7:08 amApril 22, 2020 / 21

ନୂଆଦିଲ୍ଲୀ,୨୨।୪: ହିରୋ ମୋଟୋକର୍ପ ପକ୍ଷରୁ ସ୍ବତନ୍ତ୍ର ରିଲିଫ କାର୍ଯ୍ୟକ୍ରମ ହାତକୁ ନିଆଯାଇଛି। ୫ ହଜାରରୁ ଊର୍ଦ୍ଧ୍ୱ ଲିଟରର ସାନିଟାଇଜର ଲୋକଙ୍କୁ ବଣ୍ଟନ କରିଛି। କମ୍ପାନୀ ୪ ଲକ୍ଷ ଲୋକଙ୍କୁ ମାସ୍କ, ୩ ଲକ୍ଷ ଲୋକଙ୍କୁ ଭୋଜନ ବିତରଣ କରିଛି। କମ୍ପାନୀ ଏହାର ଉତ୍ପାଦନକୁ ବର୍ତ୍ତମାନ ବନ୍ଦ ରଖିଛି। ମାର୍ଚ୍ଚ ୨୨ଠାରୁ କମ୍ପାନୀର ଉତ୍ପାଦନ ବନ୍ଦ ରଖାଯାଇଛି। ୬୦ ଆମ୍ବୁଲାନ୍ସକୁ ଏହା ସହାୟତା କାର୍ଯ୍ୟରେ ନିୟୋଜିତ କରିଛି। ରିଲିଫ ସହାୟତା ଲାଗି ୨୦୦୦ ମୋଟର ସାଇକେଲ ପ୍ରଦାନ କରାଯାଇଛି। ପ୍ରତିଦିନ ୧୫ ହଜାର ଭୋଜନ ଲୋକଙ୍କୁ ପ୍ରଦାନ କରାଯାଉଛି। ୬ ହଜାର ରାଶନ କିଟ୍‌ ବିଭିନ୍ନ ଅଞ୍ଚଳରେ ବଣ୍ଟନ ହୋଇଛି। କୋଭିଡ୍‌-୧୯ ଲାଗି ପିଏମ୍‌ କେୟାର୍ସ ଫଣ୍ଡକୁ ୫୦ କୋଟି ଏବଂ ରିଲିଫ କାର୍ଯ୍ୟ ଲାଗି ଅବଶିଷ୍ଟ ୫୦ କୋଟି ଏବଂ ୨୦୦ ଶଯ୍ୟା ବିଶିଷ୍ଟ ଆଇସୋଲେଶନ ସେଣ୍ଟର ସୁବିଧା କରାଯାଇଛି।