ଓଡ଼ାପଡ଼ା, ୧୨ା୧୧ (ଡି.ଏନ.ଏ.)- ଢେଙ୍କାନାଳ ଜିଲା ମୋଟଙ୍ଗା ଥାନା ଶ୍ରୀଡ଼ିହ ଗ୍ରାମର ସାବିତ୍ରୀ ଭୋଇ (୩୨) ନିଖୋଜ ଘଟଣାର ସୋମବାର ପର୍ଦ୍ଦାଫାସ ହୋଇଛି। ଅଭିଯୁକ୍ତ ସ୍ବାମୀ ବିରଞ୍ଚତ୍ ଭୋଇ (୩୭) ହିଁ ସ୍ତ୍ରୀଙ୍କ ହତ୍ୟାକାରୀ ଏବଂ ଏହି ହତ୍ୟାକାଣ୍ଡ ପଛର କାରଣ ଚରିତ୍ରକୁ ନେଇ ସନ୍ଦେହ ବୋଲି ପୋଲିସ ପ୍ରାଥମିକ ତଦନ୍ତରୁ ସ୍ପଷ୍ଟ କରିଛି। ଅନ୍ୟପଟେ ଅଭିଯୁକ୍ତଙ୍କୁ ଗିରଫ କରି ପୋଲିସ ତଦନ୍ତ ପରିସର ବଢ଼ାଇଛି।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସାବିତ୍ରୀଙ୍କ ଚରିତ୍ରକୁ ନେଇ ବିରଞ୍ଚତ୍ ସନ୍ଦେହ କରି ଆସୁଥିଲେ। ତାଙ୍କୁ ହତ୍ୟା କରିବାକୁ ସେ ପ୍ରସ୍ତୁତ କରିଥିଲେ ବ୍ଲୁ-ପ୍ରିଣ୍ଟ। ଗତ ୪ ତାରିଖରେ ବିରଞ୍ଚତ୍ ସ୍ତ୍ରୀ ସାବିତ୍ରୀଙ୍କୁ ନେଇ ହାଟକୁ ଯାଇଥିଲେ। ରାଣୀବଣିଆ ନିକଟ ଏକ ନିଛାଟିଆ ସ୍ଥାନରେ ପୂର୍ବ ଯୋଜନା ଅନୁଯାୟୀ ସ୍ତ୍ରୀଙ୍କୁ ନିର୍ମମ ଭାବେ ହତ୍ୟା କରି ଫିଙ୍ଗି ଦେଇଥିଲେ। ଘଟଣା ଘଟାଇ ସାରିବା ପରେ ହାଟରୁ ସ୍ତ୍ରୀ
ନିଖୋଜ ହୋଇଯାଇଥିବା ନେଇ ମୋଟଙ୍ଗା ଥାନାରେ ଅଭିଯୋଗ କରିଥିଲେ। ହେଲେ ଝିଅର ନିଖୋଜ ଘଟଣାକୁ ବିଶ୍ୱାସ କରି ନ ଥିଲେ ସାବିତ୍ରୀଙ୍କ ବାପା ଡମ୍ବରୁ ଭୋଇ। ଯୌତୁକ ଦାବିରେ ତାଙ୍କ ଝିଅକୁ ହତ୍ୟା କରିଥିବା ନେଇ ସେ ଥାନାର ଦ୍ୱାରସ୍ଥ ହୋଇଥିଲେ। ଅଭିଯୋଗକୁ ଭିତ୍ତିକରି ପୋଲିସ ତଦନ୍ତ ଆରମ୍ଭ କରିଥିଲା। ମାରାଥନ ଜେରାର ସମ୍ମୁଖୀନ ହୋଇ ନ ପାରି ଅଭିଯୁକ୍ତ ସବୁ ମାନିଯାଇଥିଲେ। ବିରଞ୍ଚତ୍ଙ୍କ ତଥ୍ୟ ଆଧାରରେ ସାବିତ୍ରୀଙ୍କ ଗଳିତ ମୃତଦେହ ଉଦ୍ଧାର କରାଯାଇଥିଲା। ସଦର ଏସ୍ଡିପିଓ ଶ୍ରୀହର୍ଷ ମିଶ୍ର, ଥାନାଧିକାରୀ ନମିତା ନାୟକ ସାଇଣ୍ଟିଫିକ୍ ଦଳ ସହିତ ଘଟଣାସ୍ଥଳରେ ପହଞ୍ଚତ୍ ତଦନ୍ତ କରିଛନ୍ତି। ଚରିତ୍ର ସନ୍ଦେହରେ ସ୍ବାମୀ ହାତରେ ସ୍ତ୍ରୀଙ୍କ ଜୀବନ ଯିବା ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।
ସୂଚନାଯୋଗ୍ୟ, ବିରଞ୍ଚତ୍ଙ୍କ ବିବାହ ବମ୍ପା ଗ୍ରାମର ଡମ୍ବରୁ ଭୋଇଙ୍କ ଝିଅ ସାବିତ୍ରୀଙ୍କ ସହ ହୋଇଥିଲା। ପାରିବାରିକ ଅଶାନ୍ତି ଯୋଗୁ ସାବିତ୍ରୀ ଅଧିକାଂଶ ସମୟ ବାପ ଘରେ ରହି ଆସୁଥିଲେ।
