ଜୟପୁର,୪।୬: ରାଜସ୍ଥାନ ଜୟପୁରର ସଓ୍ବାଇ ମାନସିଂ ହସ୍ପିଟାଲରେ ଜଣେ ଡାକ୍ତର ରୋଗୀଙ୍କୁ ପିଟିବାର ଭିଡିଓ ଭାଇରାଲ ହୋଇଛି। ସୋମବାର ଏହି ଭିଡିଓ ଭାଇରାଲ ହେବାପରେ ରାଜସ୍ଥାନ ମାନବାଧିକାର ଆୟୋଗ ୨୫ ଜୁନ୍ ମଧ୍ୟରେ ଏହାର ରିପୋର୍ଟ ଦେବାକୁ ହସ୍ପିଟାଲ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି। ତେବେ ହସ୍ପିଟାଲ ପ୍ରଶାସନର ସୂଚନା ମୁତାବକ, ଉତ୍ତର ପ୍ରଦେଶର ମୁବାରିକ(୩୦) ନାମକ ବ୍ୟକ୍ତି ବିଷ ପିଇବା ଓ ପେଟ ସମସ୍ୟା ନେଇ ହସ୍ପିଟାଲରେ ଭର୍ତ୍ତି ହୋଇଥିଲେ। ଜଣେ ମହିଳା ଡାକ୍ତର ତାଙ୍କଠାରୁ ରକ୍ତ ନମୁନା ସଂଗ୍ରହ କରିବା ସମୟରେ ସେ ମହିଳା ଡାକ୍ତରଙ୍କୁ ଦୁର୍ବବ୍ୟବହାର କରିବାରୁ ଅନ୍ୟଜଣେ ପୁରୁଷ ଡାକ୍ତର ସେଥିରେ ହସ୍ତକ୍ଷେପ କରିଥିଲେ। ହେଲେ ରୋଗୀ ଜଣଙ୍କ ପୁରୁଷ ଡାକ୍ତରଙ୍କୁ ମଧ୍ୟ ମାଡପିଟ କରିଥିବା କହିଛି ହସ୍ପିଟାଲ ପ୍ରଶାସନ। ତେବେ ହସ୍ପିଟାଲ ପକ୍ଷରୁ ଏନେଇ ମାନବାଧିକାର କମିଶନଙ୍କୁ ରିପୋର୍ଟ ଦିଆଯିବ ବୋଲି କୁହାଯାଇଛି।
