ଇନ୍ଦୋର,୨୩।୭: ସ୍ବଚ୍ଛ ସହର ଭାବେ ଲଗାତାର ୪ର୍ଥ ଥର ପାଇଁ ଏକ ନମ୍ବର ସ୍ଥାନରେ ରହିଥିବା ଇନ୍ଦୋର ପକ୍ଷରୁ ପରିବେଶ ସୁରକ୍ଷା ପାଇଁ ଏକ ନୂତନ ପଦକ୍ଷେପ ଗ୍ରହଣ କରାଯାଇଛି। ଏହା ଅନ୍ତର୍ଗତ ସହରରେ ଏକ ବାସନକୁସନ ବ୍ୟାଙ୍କର ଶୁଭାରମ୍ଭ କରାଯାଇଛି। ଲୋକେ ଏଠାରୁ ମାଗଣାରେ ଘରେ ହେଉଥିବା ବିଭିନ୍ନ ଉତ୍ସବ ପାଇଁ ବାସନକୁସନ ନେଇପାରିବେ। ପରେ ଏହାକୁ ସଫା କରି ଫେରାଇବେ। ସହରରେ ବିବାହ କିମ୍ବା ଅନ୍ୟ ଉତ୍ସବ ଅନୁଷ୍ଠିତ ହେଲେ ପାଷ୍ଟିକ୍, ସୋଲ ଅବା କାଗଜର ଖାଇବା ଥାଳି ଓ ପ୍ଲେଟ୍ ଯୋଗୁ ସୃଷ୍ଟି ହେଉଥିବା ବଜ୍ୟବସ୍ତୁ ତଥା ପରିବେଶ ପ୍ରଦୂଷଣରୁ ଦୂରେଇ ରହିବା ଲାଗି ଇନ୍ଦୋର ନଗର ନିଗମ ପକ୍ଷରୁ ଏଭଳି ପଦକ୍ଷେପ ଗ୍ରହଣ କରାଯାଇଛି। ଏଣିକି ଲୋକେ ବିଭିନ୍ନ ଉତ୍ସବରେ ବାସନ ବ୍ୟାଙ୍କରୁ ବାସନକୁସନ ନେବା ଦ୍ୱାରା ଏସବୁ ସମସ୍ୟାର ସମାଧାନ ହୋଇପାରିବ ବୋଲି ନଗର ନିଗମ ପକ୍ଷରୁ ସୂଚନା ଦିଆଯାଇଛି।
