ମୁମ୍ବାଇ: ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ କିଛି ନା କିଛି କାରଣ ପାଇଁ ଚର୍ଚ୍ଚାରେ ରୁହନ୍ତି। ନିକଟରେ ସେ ଏକ ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି। ସେ ସେହି ଭିଡିଓରେ ଏକ ସ୍ପାଇଡରମ୍ୟାନ୍ଙ୍କ ଆଗରେ ହାତ ଯୋଡିଛନ୍ତି। ପ୍ରକୃତରେ ହଲିଉଡ ଫିଲ୍ମ ‘ସ୍ପାଇଡରମ୍ୟାନ୍ ନୋ ୱେ ହୋମ’ ରିଲିଜ୍ ହୋଇଯାଇଛି। ଏହାକୁ ଦେଖିବା ପାଇଁ ଫ୍ୟାନ୍ସଙ୍କ ଭିତରେ ବହୁତ ଆଗ୍ରହ। ଏହି ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଜବରଦସ୍ତ କ୍ରେଜ ରହିଛି। ଫିଲ୍ମକୁ ଦେଖିବା ପାଇଁ ଆଡଭାନ୍ସ ବୁକିଂରେ ମଧ୍ୟ ଟିକେଟ ମିଳୁ ନାହିଁ। ଏଭଳି ଅବସ୍ଥା କେବଳ ସାଧାରଣ ଲୋକଙ୍କ ନୁହେଁ , ଶିଳ୍ପାଙ୍କ ଠାରେ ମଧ୍ୟ ଦେଖିବାକୁ ମିଳିଛି।
ତେବେ ସେହି ଭିଡିଓରେ ଶିଳ୍ପା ଶେଟ୍ଟୀ‘ସ୍ପାଇଡରମ୍ୟାନ’ ଟିକେଟ୍ ବୁକିଂ କରୁଥିବା ବେଳେ ହଠାତ୍ ଏକ ସ୍ପାଇଡରମ୍ୟାନ୍ଙ୍କୁ ଭେଟିଛନ୍ତି। ଏହା ପରେ ଟିକେଟ୍ ପାଇଁ ସେ ତାଙ୍କ ଅନୁରୋଧ କରୁଥିବାର ଦେଖାଯାଇଛି। କିନ୍ତୁ ସେ ମନା କରିଦେଇଛନ୍ତି। ଶିଳ୍ପା କହୁଛନ୍ତି କି ମୁଁ ତୁମକୁ କିଛି ଶିଖାଇବି ତା’ ବଦଳରେ ଟିକେଟ ଦେବ। ଏଭଳି କହି ସେ ସ୍ପାଇଡରମ୍ୟାନ୍ଙ୍କୁ ଡ୍ୟାନ୍ସ ଷ୍ଟେପ୍ ଶିଖାଉଛନ୍ତି। ଏତେ ସବୁ ପରେ ବି ସ୍ପାଇଡରମ୍ୟାନ୍ ତାଙ୍କୁ ଟିକେଟ୍ ଦେବାକୁ ମନା କରିଦେଇଛନ୍ତି। ଏଭଳି ମଜାଦାର ଭିଡିଓକୁ ଫ୍ୟାନ୍ସ ବେଶ୍ ପସନ୍ଦ କରୁଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
