ଗାଜିଆବାଦ୍,୩୦।୮: ସ୍ତ୍ରୀଙ୍କ ଇଚ୍ଛାକୁ ପୂରଣ କରିବାକୁ ଯାଇ ଚାକିରିରୁ ଅବସର ନେବା ଦିନ ହେଲିକପ୍ଟରରେ ଗାଁକୁ ଆସିବେ ଗାଜିଆବାଦ୍ର ଜଣେ ବ୍ୟକ୍ତି। ଏଥିପାଇଁ ଆଗୁଆ ୪ଲକ୍ଷ ଟଙ୍କା ଦେଇ ହେଲିକପ୍ଟର ବୁକ୍ କରିଛନ୍ତି। ନରେନ୍ଦ୍ର କୁମାର ନାମକ ଏହି ବ୍ୟକ୍ତି ଜଣଙ୍କ ଗାଜିଆବାଦ ନଗର ନିଗମରେ ଦୀର୍ଘ ୩୩ ବର୍ଷ ହେବ ଚାକିରି କରିଆସୁଛନ୍ତି। ଅଗଷ୍ଟ ୩୧ରେ ସେ ଅବସର ନେବେ। ଏହା ପୂର୍ବରୁ ତାଙ୍କ ସ୍ତ୍ରୀ ଏହି ଦିନକୁ ଅଭୁଲା କରିବା ପାଇଁ ଅବସର ଦିନ ଗାଁକୁ ହେଲିକପ୍ଟରରେ ଆସିବାକୁ ସ୍ବାମୀଙ୍କୁ ଅନୁରୋଧ କରିଥିଲେ। ସ୍ତ୍ରୀଙ୍କ କଥାକୁ କାଟି ନ ପାରି ହେଲିକପ୍ଟରରେ ଆସିବାର ବନ୍ଦୋବସ୍ତ କରିଥିଲେ ନରେନ୍ଦ୍ର। ଗାଁ ପାଖରେ ଏକ ହେଲିପ୍ୟାଡ୍ ନିର୍ମାଣ କରାଯାଇଛି। ଅବସର ଦିନ ଅପରାହ୍ନ ୪ଟାବେଳେ କବିନଗର ରାମଲୀଳା ମୈଦାନରୁ ହେଲିକପ୍ଟରରେ ଉଡାଣ ଭରିବ।
