ଚମ୍ପୁଆ,୯।୫(ଡି.ଏନ.ଏ.)- କେନ୍ଦୁଝର ସଦର ବିଧାୟକ ତଥା ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝି ସୀମାନ୍ତ ସ୍ଥିତି ସମୀକ୍ଷା କରିଥିବା ଜଣାଯାଇଛି। ସୂଚନା ଅନୁସାରେ ଶନିବାର କେନ୍ଦୁଝର ସଦର ବିଧାୟକ ମୋହନ ଚରଣ ମାଝି ଚମ୍ପୁଆ ଗସ୍ତ କରିବା ସହିତ ଆନ୍ତଃରାଜ୍ୟ ତନଖି ଫାଟକ ତଥା ଚମ୍ପୁଆ ଓ ଜୟନ୍ତିଗଡ ମଧ୍ୟରେ ରହିଥିବା ଚେକ ପଏଣ୍ଟ ତଦାରଖ କରିଛନ୍ତି। କରୋନା ମହାମାରୀକୁ ରୋକିବା ଏବଂ ପ୍ରବାସୀ ଓଡିଆଙ୍କୁ ଆବଶ୍ୟକ ଯାଞ୍ଚ କରାଯାଇ ଓଡିଶା ମଧ୍ୟକୁ ପ୍ରବେଶ ପାଇଁ ହୋଇଥିବା ବ୍ୟବସ୍ଥା ସହିତ ଓଡିଶାରୁ ବାହାର ରାଜ୍ୟକୁ ଶ୍ରମିକଙ୍କୁ ପଠାଇବା ବ୍ୟବସ୍ଥା ତଦାରଖ କରିଥିଲେ। ଏନେଇ ସେଠାରେ ଉପସ୍ଥିତ ଥିବା ଡାକ୍ତରି ଟିମ୍, ପୋଲିସ ପ୍ରଶାସନ, ଆଞ୍ଚଳିକ ପରିବହନ ବିଭାଗ ସହ ଆଲୋଚନା କରିଥିଲେ। ସେଠାରେ ହୋଇଥିବା ବ୍ୟବସ୍ଥାକୁ ନେଇ ସନ୍ତୋଷ ପ୍ରକାଶ କରିବା ସହ ସରକାରଙ୍କ ବ୍ୟବସ୍ଥାକୁ ପ୍ରଶଂସା କରିଥିଲେ। ମାତ୍ର ବହୁଦୂରଦୂରାନ୍ତରୁ ଆସୁଥିବା ଶ୍ରମିକଙ୍କ ପାଇଁ ଟେଣ୍ଟ ବ୍ୟବସ୍ଥା ଏହା ତୁରନ୍ତ କରିବାପାଇଁ ମତ ଦେଇଥିଲେ। ଏହି କାର୍ଯ୍ୟକ୍ରମରେ ଜିଲା କାର୍ଯ୍ୟକାରୀଣୀ ସଦସ୍ୟ ରମେଶ ପ୍ରଧାନ, ଏନ୍ଏସି ସଭାପତି ରାଜେଶ ଆଚାର୍ଯ୍ୟ, ସନ୍ତୋଷ କୁମାର ସାହୁ, ସଂଖ୍ୟାାାଲଘୁ ସଭାପତି ମହତାବ ଆଲାମ ପ୍ରମୁଖ ରହିଥିଲେ।
