ରଣପୁର,୮ା୩(ସ୍ବ.ପ୍ର.): ଗୌରାଙ୍ଗପୁର ପ୍ରାଥମିକ କୃଷି ସମବାୟ ସମିତି ପଛପାଖରେ ଥିବା ୬୨/୬୯ନଂ. ସରକାରୀ ପ୍ଲଟରୁ ଜବରଦଖଲ ଉଚ୍ଛେଦ ଦାବିରେ ଶନିବାର ରଣପୁର ତହସିଲ କାର୍ଯ୍ୟାଳୟ ସମ୍ମୁଖରେ ଗୌରାଙ୍ଗପୁରର ମହିଳାପୁରୁଷ ଧାରଣା ଦେଇଥିଲେ। ଖବର ପାଇ ରଣପୁର ତହସିଲଦାର ସଞ୍ଜୟ ସାମନ୍ତରାୟ ଘଟଣାସ୍ଥଳରେ ପହଞ୍ଚତ୍ ଲୋକଙ୍କୁ ବୁଝାଶୁଝା କରିଥିଲେ। ଏ ନେଇ ଆଇନଗତ ପଦକ୍ଷେପ ନିଆଯିବ ବୋଲି ତହସିଲଦାର କହିଥିଲେ। ଗ୍ରାମବାସୀଙ୍କ ଅଭିଯୋଗ ଅନୁସାରେ ରବୀନ୍ଦ୍ର ବେହେରା ସରକାରୀ ଜମିରେ ଘର କରି ନିଶା ଦ୍ରବ୍ୟ ବିକ୍ରି କରୁଥିଲେ। ଦୁଇଥର ଗିରଫ ମଧ୍ୟ ହୋଇଛନ୍ତି। ନିଶା ଦ୍ରବ୍ୟ ବିକ୍ରି କରିବାକୁ ବାରମ୍ବାର ମନା ପରେ ମଧ୍ୟ ଗଁା ଲୋକଙ୍କ କଥା ଶୁଣି ନ ଥିଲେ। ଜବରଦଖଲକୁ ନେଇ ଗଁାରେ ବିଭିନ୍ନ ସମୟରେ ଅସନ୍ତୋଷ ପ୍ରକାଶ ପାଇଥିଲା। ଏପରିସ୍ଥଳେ ୨ବର୍ଷ ମଧ୍ୟରେ ସରକାରୀ ଜମି ଛାଡିବାକୁ ୨୦୧୧ ଜୁନ ୧୦ରେ ଗ୍ରାମସଭାରେ ନିଷ୍ପତ୍ତି ହୋଇଥିଲା। ତେବେ ୨୦୧୩ ଜୁନ ୧୦ରେ ସେ ସରକାରୀ ଜମି ଛାଡି ନ ଥିଲେ। ଏ ସମ୍ପର୍କରେ ଗ୍ରାମର ରିଜୋଲ୍ୟୁଶନରେ ଉଲ୍ଲେଖ ରହିଛି। ଏ ନେଇ ୨୦୧୪ ସେପ୍ଟେ୍ମ୍ବର୨ରେ ତହସିଲଦାରଙ୍କୁ ଅବଗତ କରାଯାଇଥିଲା। ସ୍ଥାନୀୟ ଆର୍ଆଇ ଏହାର ତଦନ୍ତ କରି ରିପୋର୍ଟ ଦେବା ପରେ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୁତି ମିଳିଥିଲା। ତେବେ ଜବରଦଖଲକାରୀଙ୍କୁ ନ ହଟାଇ ୫୩/୨୦୧୪-୧୫ରେ ଏନ୍କ୍ରୋଚ୍ମେଣ୍ଟ କେସ୍ କରାଯାଇଥିଲା। ଏହା ପରେ ଜବରଦଖଲକାରୀ ସରକାରୀ ଜମି ଛାଡୁ ନାହାନ୍ତି। ଏ ନେଇ ଗୌରାଙ୍ଗପୁରର ରବୀନ୍ଦ୍ର ବେହେରା କୁହନ୍ତି, ମୁଁ ନିଶା ବ୍ୟବସାୟ କରେନା। ମୁଁ ଅନ୍ୟତ୍ର ଯିବାକୁ ଦସ୍ତଖତ କରି ନାହିଁ । ମୋତେ କଙ୍ଗାରୁ କୋର୍ଟ କରି ବାସନ୍ଦ କଲେ। ପରେ ମୋ ଘର ଭାଙ୍ଗିଦେଲେ। ଘରର ଉପକରଣ ସହ ବାକ୍ସରେ ରଖିଥିବା ପ୍ରଧାନମନ୍ତ୍ରୀ ଆବାସ ଯୋଜନାର ୩୫ ହଜାର ଟଙ୍କା ମଧ୍ୟ ଲୁଟି ନେଲେ। ଏହା ପରେ ମୋ ବିରୋଧରେ ମିଥ୍ୟା ଅଭିଯୋଗ କରି ମୋତେ ଫସାଇବାକୁ ଉଦ୍ୟମ କରିଛନ୍ତି। ଘର ଭାଙ୍ଗିଲା ପରେ କିପରି ପୁଣି ଜବରଦଖଲ ଉଚ୍ଛେଦ ହେବ। ମୁଁ ଏବେ ଖରା, ବର୍ଷା, ଶୀତରେ ଭଙ୍ଗା ଘରେ ରହୁଛି। ମୋ ଦୁଃଖ କେହି ବୁଝୁନାହାନ୍ତି।
