”ନ୍ୟୁରୋଲୋଜିକାଲ ଆଘାତ ପରେ ସାଧାରଣ ଅବସ୍ଥାକୁ ଫେରିବା ପ୍ରାୟ କଷ୍ଟକର । ବୟସ୍କମାନଙ୍କ ମଧ୍ୟରେ ବିକଳାଙ୍ଗତାର ମୁଖ୍ୟ କାରଣ ହେଉଛି ଷ୍ଟ୍ରୋକ୍। ଅଧାରୁ ଅଧିକ ଲୋକ ଯେଉଁମାନେ ତୀବ୍ର ଷ୍ଟ୍ରୋକ୍ରେ ବଞ୍ଚିଛନ୍ତି ସେମାନେ ଚାଲିବା ପାଇଁ ସକ୍ଷମ ନୁହନ୍ତି ଓ କାର୍ଯ୍ୟକରିବା ସ୍ତରକୁ ଆସିବା ସହଜ କଥା ନୁହେଁ। ସେଥିପାଇଁ ଚାଲିବା ଢଙ୍ଗରେ ପରିବର୍ତ୍ତନ ଦରକାର। ଏଥିପାଇଁ ବିଭିନ୍ନ ଟେକ୍ନିକର ଆବଶ୍ୟକତା ରହିଛି।“
ନ୍ୟୁରୋଲୋଜିକାଲ ଆଘାତ ପରେ ସାଧାରଣ ଅବସ୍ଥାକୁ ଫେରିବା ପ୍ରାୟ କଷ୍ଟକର । ବୟସ୍କମାନଙ୍କ ମଧ୍ୟରେ ବିକଳାଙ୍ଗତାର ମୁଖ୍ୟ କାରଣ ହେଉଛି ଷ୍ଟ୍ରୋକ୍। ଅଧାରୁ ଅଧିକ ଲୋକ ଯେଉଁମାନେ ତୀବ୍ର ଷ୍ଟ୍ରୋକ୍ରେ ବଞ୍ଚିଛନ୍ତି ସେମାନେ ଚାଲିବା ପାଇଁ ସକ୍ଷମ ନୁହନ୍ତି ଓ କାର୍ଯ୍ୟକରିବା ସ୍ତରକୁ ଆସିବା ସହଜ କଥା ନୁହେଁ। ସେଥିପାଇଁ ଚାଲିବା ଢଙ୍ଗରେ ପରିବର୍ତ୍ତନ ଦରକାର। ଏଥିପାଇଁ ବିଭିନ୍ନ ଟେକ୍ନିକର ଆବଶ୍ୟକତା ରହିଛି।
ଅତ୍ୟାଧୁନିକ ଚିକିତ୍ସା ପ୍ରଣାଳୀ ସେମାନଙ୍କ ପାଇଁ ବେଶ୍ ଲାଭପ୍ରଦ ହୋଇଛି। ଏହି ନୂଆ ଟେକ୍ନୋଲୋଜି ଏବେ ଆମକୁ ଉତ୍ତମ ରୂପେ ରୋଗୀକୁ ସେବା ଦେବା ପାଇଁ ସକ୍ଷମ କରୁଛି ଯେପରି ପଛରେ କୌଣସି ପ୍ରକାର ଅସୁବିଧା ନ ହେବ। ଉକ୍ତ ଉନ୍ନତ ପ୍ରଣାଳୀ ହେଲା ‘ସମର୍ଥତ୍ତ ଆମ୍ବୁଲେଶନ ପ୍ରଶିକ୍ଷଣ’ । ସମର୍ଥିତ ଆମ୍ବୁଲେଶନ ସିଷ୍ଟମ ପ୍ରଶିକ୍ଷଣରେ ରୋଗୀକୁ ଅତି ସହଜ ଉପାୟରେ ଚାଲିବା ପ୍ରଶିକ୍ଷଣ ଦିଆଯାଇଥାଏ। ଏହି ସିଷ୍ଟମର ସାହାଯ୍ୟରେ ପୋଷ୍ଟ ନ୍ୟୁରୋଲୋଜିକାଲ ରୋଗୀ ସହଜରେ ଚାଲିବା କାର୍ଯ୍ୟକୁ ସମ୍ପାଦିତ କରିବା ପାଇଁ ସକ୍ଷମ ହୋଇଥାଏ। କାରଣ ଓଜନର କିଛି ଅଂଶ ସିଷ୍ଟମ ଦ୍ୱାରା ସମର୍ଥିତ ଥିବା ଯୋଗୁ ସେ ନିଜକୁ ହାଲୁକା ମନେକରେ। ଏହି ଆମେରିକାନ ପ୍ରଯୁକ୍ତିବିଦ୍ୟା ଏବେ ଓଡ଼ିଶାରେ ଉପଲବ୍ଧ। ଅନୁସନ୍ଧାନ ଅନୁସାରେ ସର୍ବୋତ୍ତମ ପରିଣାମ ପ୍ରାପ୍ତ କରିବା ପାଇଁ ରୋଗୀକୁ ଯେତେଶୀଘ୍ର ଡାକ୍ତରଖାନାରେ ଭର୍ତ୍ତି କରିବାର ପ୍ରଥମ ସପ୍ତାହ ଭିତରେ ନାମ ପଞ୍ଜୀକରଣ କରିବାକୁ ପଡ଼ିଥାଏ। ଏହି ପ୍ରଶିକ୍ଷଣର ସମୟ ଅବଧି ଏକରୁ ଦୁଇ ସପ୍ତାହ। ଏହା ମାତ୍ର ୨୦-୪୦ ମିନିଟ୍ ଭିତରେ ଶେଷ ହୁଏ। ପ୍ରଶିକ୍ଷଣ ଓ ଅବଧି ରୋଗୀର କ୍ଷମତା ଉପରେ ଆଧାରିତ । ସହାୟକ ଆମ୍ବୁଲେଶନ ପ୍ରଶିକ୍ଷଣ ଅନେକ ସମୟରେ ପରମ୍ପରାଗତ ଫିଜିଓଥେରାପି ସହ ସଂଶ୍ଳିଷ୍ଟ। ଏଇ ଆମେରିକୀୟ ପ୍ରଯୁକ୍ତିବିଦ୍ୟା ମଧ୍ୟ ପଡ଼ିଯିବାର ଆଶଙ୍କାକୁ କମ୍ କରିବା ପାଇଁ ଉପକାରୀ ବୋଲି ପ୍ରମାଣିତ ହୋଇଛି। ବୟସବୃଦ୍ଧି ପଡ଼ିଯିବା ଆଶଙ୍କାକୁ ଅଧିକ କରିଥାଏ। ବୃଦ୍ଧମାନଙ୍କ ମଧ୍ୟରେ ପଡ଼ିଯିବା ଡାକ୍ତରଖାନାରେ ଭର୍ତ୍ତି ହେବାର ସାଧାରଣ କାରଣ। ପଡ଼ିଯିବା କାରଣରୁ ହାଡ଼ ଭାଙ୍ଗିଯାଏ ଓ ମୁଣ୍ଡରେ ଆଘାତ ଲାଗିଥାଏ। ସମର୍ଥିତ ଆମ୍ବୁଲେଶନ ପ୍ରଶିକ୍ଷଣ ସନ୍ତୁଳିତ ଅଭ୍ୟାସ ସହ ଶିଖାଯାଏ ଓ ଏଥିରୁ ପଡ଼ିଯିବା ଆଶଙ୍କା କମ୍ ହୋଇଯାଏ ଓ ସ୍ବାସ୍ଥ୍ୟର ଯତ୍ନ ପାଇଁ ସ୍ବାସ୍ଥ୍ୟସେବା ଖର୍ଚ୍ଚ କମ୍ ହୋଇଥାଏ।
-ଡା. ସୁପ୍ରିୟା ସୁଦର୍ଶିନୀ
-ପିଟି, ଏମ୍ପିଟି,ଏମ୍ଆଇଏପି, କନ୍ସଲଟାଣ୍ଟ,
କେୟାର ହସ୍ପିଟାଲ, ଭୁବନେଶ୍ୱର
