ଜୟପୁର ,୨୮ା୫(ଡି.ଏନ.ଏ./ନି.ପ୍ର. )- କୋରାପୁଟ ଜିଲା ଜୟପୁର ବିଧାୟକ ତାରା ପ୍ରସାଦ ବାହିନୀପତି ଗୁରୁବାର ଜିଲା କଂଗ୍ରେସଭବନଠାରେ ଏକ ଖବରଦାତା ସମ୍ମିଳନୀରେ ବାହାର ରାଜ୍ୟରୁ ଫେରିଥିବା ପ୍ରବାସୀ, ଶ୍ରମିକ ଏବଂ ଚାଷୀଙ୍କ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ସ୍ବତନ୍ତ୍ର ବ୍ୟବସ୍ଥା କରିବାକୁ ଦାବି କରିଛନ୍ତି ା କାରୋନା ଲକଡାଉନ ସମୟରେ ପ୍ରବାସୀ ଓଡିଆ, ଶ୍ରମିକମାନେ ବେଶି ପ୍ରଭାବିତ ହୋଇଛନ୍ତି। ସେମାନଙ୍କୁ ତୁରନ୍ତ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ପ୍ରତ୍ୟେକ ପ୍ରବାସୀଙ୍କ ନାମରେ ୧୦ ହଜାର ଟଙ୍କା ସହାୟତା ରାଶି ପ୍ରଦାନ କରିବା,ଆସନ୍ତା ୬ ମାସ ପର୍ଯ୍ୟନ୍ତ ସେମାନଙ୍କୁ ପ୍ରତ୍ୟେକ ମାସରେ ୭୫୦୦ ଟଙ୍କା ପରିବାର ଭରଣପୋଷଣ ପାଇଁ ଦେବା, ଏମଏନଆଇଇଜିଏସରେ ୧୫୦ ଦିନ ବଦଳରେ ୨୦୦ ଦିନର କାର୍ଯ୍ୟ ଦିବସ ସୃଷ୍ଟି କରି ଯୋଗାଇ ଦେବା, ଚାଷୀଙ୍କୁ ସାର, କୀଟନାଶକ ଔଷଧ ଏବଂ ଅନ୍ୟାନ୍ୟ ଆନୁସଙ୍ଗିକ ଖର୍ଚ୍ଚ କେନ୍ଦ୍ର ଓ ରାଜ୍ୟ ସରକାର ପ୍ରଦାନ କରିବା, କ୍ଷୁଦ୍ର ଓ ମଧ୍ୟମ ଧରଣର କାରାଖାନା ଚାଲୁ କରିବା, ୧୮ ମାସରୁ ଊର୍ଦ୍ଧ୍ୱ ଦିନ ହେଲା ବନ୍ଦ ରହିଥିବା ଜୟପୁରସ୍ଥିତ ବିଲ୍ଟ କାଗଜକଳକୁ ଉତ୍ପାଦନକ୍ଷମ କରିବାକୁ ସେ ଦାବି କରିଛନ୍ତି। ରବିଧାନ ମଣ୍ଡି ବର୍ତ୍ତମାନ କୋରାପୁଟ ଜିଲାରେ ଆରମ୍ଭ ହୋଇଯାଇଛି ା ବଲାଙ୍ଗିର ଜିଲାର ମିଲ ମାଲିକମାନେ କଷ୍ଟମ ମିଲିଂ ଧାନ ଏହି ଜିଲାରୁ ନେଉଛନ୍ତି ା ମାତ୍ର ଧାନର ମାନ ବିଭିନ୍ନ ଆଳ ଦେଖାଇ ଚାଷୀଙ୍କଠାରୁ କୁଇଣ୍ଟାଲ ପିଛା ୭କିଲୋ ଅଧିକ ଦାବି କରୁଛନ୍ତି ା ତୁରନ୍ତ ବିନା କାଟନି ଛାଟନି ଧାନରେ ମିଲ ମାଲିକମାନେ ନେବାକୁ ସେ କହିଛନ୍ତି। ସେହିପରି ସମ୍ବଲପୁର ଏବଂ ବଲାଙ୍ଗିର ଜିଲାର ଟ୍ରକକୁ ଏଠାକୁ ଆଣି ମିଲରମାନେ ଧାନ ପରିବହନ କରୁଛନ୍ତି ା ଫଳରେ ଏଠାରେ ଥିବା ଟ୍ରକଗୁଡିକ କ୍ଷତି ସହୁଛନ୍ତି ା ସ୍ଥାନୀୟ ଟ୍ରକଗୁଡିକକୁ ଧାନ ପରିବହନ ପାଇଁ ନିୟୋଜିତ କରିବା ଦିଗରେ ପ୍ରଶାସନ ପଦକ୍ଷେପ ନେବାକୁ ସେ ପରାମର୍ଶ ଦେଇଛନ୍ତି। ନଚେତ୍ କଂଗ୍ରେସ ରାଜରାସ୍ତାକୁ ଓହ୍ଲାଇବ ବୋଲି ଚେତାବନୀ ଦେଇଛନ୍ତି ା ଏହି ଖବରଦାତା ସମ୍ମିଳନୀରେ କୃଷ୍ଣଚନ୍ଦ୍ର ନେପାକ, ନରେନ୍ଦ୍ର ମହାନ୍ତି, କାନ୍ତ ପାଢୀ, ନିହାର ବିଶୋୟୀ, ମଦନ ମୋହନ ନାୟକ, ଭେଙ୍କଟରାଓ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ା