ଦେଓଗାଁ,୧୪ା୬(ଡି.ଏନ.ଏ)-ବଲାଙ୍ଗୀର ଜିଲା ଦେଓଗାଁ ତହସିଲ ଅନ୍ତର୍ଗତ ସୋନଗଡ ନଦୀ ଓ ତେଲନଦୀ ଅଞ୍ଚଳରୁ ପ୍ରତ୍ୟହ ଚାଲି ଚୋରାଚାଲାଣ ହେଉଛି। ଏପରିକି ଶନିବାର ଓ ରବିବାର ଶଟଡାଉନ ସମୟରେ ମଧ୍ୟ ବେଆଇନଭାବେ ଟ୍ରାକ୍ଟରରେ ବାଲି ଚୋରାଚାଲାଣ ହେଉଛି ା ଗତ ମାର୍ଚ୍ଚ ମାସରୁ ବାଲିଘାଟଗୁଡିକର ଲିଜ ଅବଧି ସରିଯାଇଛି ା କରୋନା ମୁକାବିଲା ଯୋଗୁଁ ନିଲାମ ପ୍ରକ୍ରିୟା ବିଳମ୍ବରେ ଏବେ ଆରମ୍ଭ ହୋଇଛି ା ହେଲେ ନିଲାମ ଶେଷ ହେବା ପୂର୍ବରୁ ବାଲିଘାଟମାନଙ୍କରୁ ଟ୍ରାକ୍ଟର ମାନଙ୍କରେ ବାଲିଚାଲାଣ ହେଉଛି ା ଏ ନେଇ ବାରମ୍ବାର ଅଭିଯୋଗ ହେଲେ ମଧ୍ୟ ତହସିଲ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବା ଅଭିଯୋଗ ହେଉଛି ା ଜରାସିଂହାର ସତୀଘାଟ, ସାଲେପାଲି ନିକଟ ଉଚ୍ଚବାହାଲିଘାଟ, ଚନ୍ଦ୍ରପୁର ରେଳଧାରଣା ପାଖରୁ ବାଲିଚୋରା ଚାଲାଣ ହେଉଥିବାରୁ ସାଧାରଣରେ ଅସନ୍ତୋଷ ଦେଖାଦେଇଛି ା ଶନିବାର ଜରାସିଂହା ପଟରୁ ବରକାନୀ ନିକଟସ୍ଥ ମାହାକୁରପାଲି ଅଞ୍ଚଳର ଏକ ନମ୍ବର ବିହୀନ ଟ୍ରାକ୍ଟରରେ ବାଲି ବୋଝେଇ ହୋଇ ଶିରାବାହାଲ ହାଇସ୍କୁଲ ଛକ ଦେଇ ଘୁଚିପାଲି ଅଭିମୁଖେ ଯାଉଥିବା ଦେଖାଯାଇଥିଲା ା ଏ ନେଇ ସମ୍ପୃକ୍ତ ଟ୍ରାକ୍ଟର ମାଲିକଙ୍କୁ ପଚାରିବାରୁ ବାଲିଘାଟ ନିଲାମ ହୋଇ ନ ଥିବାରୁ ଆମେ ବାଧ୍ୟ ହୋଇ ବାଲି ଆଣିବାକୁ ପଡୁଛି ବୋଲି କହିଥିଲେ। ଏଣୁ ବେଆଇନ ଚାଲାଣର ଅସୁଲି ଟଙ୍କା ନେଉଛି କିଏ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏ ନେଇ ତହସିଲଦାର ସୋନାଲି ପାତ୍ରଙ୍କୁ ପଚାରିବାରୁ ଚଢ଼ାଉ ଜାରୀ ରହିଛି, ଆଗକୁ ସମ୍ପୃକ୍ତ ଅଞ୍ଚଳରେ ମଧ୍ୟ ଚଢ଼ାଉକୁ ଜୋରଦାର କରାଯିବ ବୋଲି କହିଥିଲେ ା
