ଲକ୍‌ଡାଉନ ନିୟମ ଭାଙ୍ଗି ୮ ଯୁବକଙ୍କ ନାମରେ ମାମଲା
7:39 amApril 26, 2020 / 21

ହାଟଡିହୀ, ୨୬।୪(ଡି.ଏନ.ଏ.)-କେନ୍ଦୁଝର ଜିଲା ହାଟଡିହୀ ବ୍ଲକ ସୋସୋ ଥାନା ଅଞ୍ଚଳରେ ଲକ୍‌ଡାଉନ ନିୟମ ଉଲ୍ଲଂଘନ ଅଭିଯୋଗରେ ୮ଜଣଙ୍କ ନାମରେ ମାମଲା ରୁଜୁ ହୋଇଛି। ଏମାନେ ସମସ୍ତେ ହାଟଡିହୀ ଅଞ୍ଚଳର। ଏକ ଅଣପଞ୍ଜୀକୃତ ଗ୍ରୁପ ବିନା ପାସ୍‌ରେ ଖାଦ୍ୟ ବାଣ୍ଟିବାକୁ ଯାଉଥିଲେ ବୋଲି ଜଣାପଡିଛି। ଏଥିସହ ପୋଲିସ ଗୋଟିଏ ଅଟୋ ଏବଂ ଦୁଇଟି ମୋଟର ସାଇକେଲକୁ ଜବତ କରିଛି।
ନନ୍ଦିପଦା ଶାଳନିଆ ଅଞ୍ଚଳର ପ୍ରଶାନ୍ତ ବାରିକ, ପ୍ରୀତିରଞ୍ଜନ ଦ୍ୱିବେଦୀ, ପ୍ରଦୀପ ବେହେରା, ଜୟନ୍ତ ବେହେରା, କିଶୋର ସିଂ, ସତ୍ୟବ୍ରତ ସା, ରଜତ ମହାକୁଡ଼, ବିକାଶ ବେହେରାଙ୍କ ନାମରେ ମାମଲା (ନଂ.୨୫/୨୦) ରୁଜୁ ହୋଇଛି। ଏମାନେ ଲକ୍‌ଡାଉନ ନିୟମ ଭାଙ୍ଗିଥିବା ଏତଲାରେ ଦର୍ଶାଯାଇଛି। ବଉଳା ଫାଣ୍ଡି ଅଧିକାରୀ କୀର୍ତ୍ତନବିହାରୀ ମହାନ୍ତ ବାଙ୍ଗୋର ନିକଟରେ ପାଟ୍ରୋଲିଂ କରୁଥିବା ବେଳେ ବିଦ୍ୟାଧରପୁର ବ୍ୟାରେଜ ନିକଟରୁ ଯୁବକମାନଙ୍କୁ ଧରି ଥାନାକୁ ନେଇଯାଇଥିଲେ।